إبراهيم عيسى: صناعة الدراما في مصر تواجه مشكلة كبيرة.. ولا بد من تغيير طريقة الإنتاج
قال الكاتب الصحفي إبراهيم عيسى: لدي العديد من الملاحظات على الدراما، حتى قبل تجربتي في الكتابة الدرامية، مضيفًا أن صناعة الدراما في مصر مشكلة كبيرة جدًا.
وأوضح عيسى، أنه خاض تجربتين في الدراما، الأولى كممثل عندما قام بدور مع الممثل محمد هنيدي، في مسلسل أرض النفاق، حيث صنع 42 مشهدا، لافتًا إلى أنه عاش تجربة التمثيل ومواعيد التصوير في الساعة 6 صباحًا، وكانت التجربة الأخرى في الدراما ككاتب.
عيسى: من يصنع مسلسلات فاشلة هم أبطال بسبب طريقة الإنتاج
وذكر عيسى: أنا شفت كممثل وشفت ككاتب إنه لازم العملية دي تتغير لازم الناس تكتب وتصور وتمنتج، وتبدأ تعرض زي ما بيحصل في السينما والعالم كله، وكان بيحصل في الدراما المصرية السنين اللي فاتت.
وتابع الكاتب الصحفي إبراهيم عيسى: أنا أبقى لسه بمثل في مشهد وعشان أكمل الحلقة الرابعة يروح يتمنتج، وبعدين يتعرض وأنا لسه بصور في حاجة تانية، حتى من يصنع مسلسلات فاشلة، هم أبطال بسبب طريقة الإنتاج اللي بتخلي الواحد يعمل 30 حلقة في الظروف دي، فلازم الظروف تتغير وطريقة الإنتاج تتغير، ودي مشكلة مناخ وسوق وطريقة عمل.
وفي سياق آخر قال إبراهيم عيسى: إن الشيخ شلتوت عمل على التقريب بين المذاهب، وعنده أفكار عظيمة، الأزهر ضدها الآن، والشيخ شلتوت رأيه لا معجزات في الإسلام سوى القرآن، وأن الإسراء بالروح، والشيخ شلتوت أجاز التعبد على مذهب الإثني عشرية.. شيخ الأزهر الطيب أكثر استنارة من الشيخ جاد الحق وعبد الحليم محمود.. جاد الحق له أفكار وعبد الحليم محمود رفضوا إدانة التكفير والهجرة، جاد الحق قال إن عدم تطبيق الشريعة كفر، بس مكنش الصوت مسموع، والشيخ محمد سيد طنطاوي أكثر استنارة، وهي مرحلة مهمة لما تقرأ رسالة الدكتوراه بتاعته عن القرآن الكريم كلام مروع، عاوز أي حد باحث علم هيشوف دا.
وأضاف عيسى: الشيخ طيب أفضل من سابقيه تنويرا وليه أفكار ممتازة ومستنيرة وبشوف حاجات ونقيضها، ومش مصدق إزاي نقول تنويريين وبنطارد المجددين والمجتهدين وبنكفرهم، ونحاول نمنع آرائهم ونصادرها، لما نتهم حد إنه بيستهزئ بالقرآن الكريم.. دا إحنا كدة بنحل دمه، ويقولك أصل إحنا مقلناش الكلام بتاع السلفيين.. دا الكفر بالتعيين اللي هو أنا قول إن إبراهيم كافر..لكن أقول اللي يقول كذا يبقى كافر.. وبعدين أي حكاية كافر.
