حمو بيكا لـ القاهرة 24: بعت عربيتي الرنج روفر بسبب قلة الفلوس
كشف مؤدي المهرجانات حمو بيكا، تفاصيل استقراره في دبي، بعد إيقافه في مصر عن إحياء الحفلات، من قبل نقابة المهن الموسيقية.
وقال حمو بيكا في تصريح خاص لـ القاهرة 24: بعت عربيتي الرنج روفر عشان قلة الفلوس، ومبقتش عارف أشتغل في مصر ولا أعمل حفلات بسبب إيقافي، وكل حاجة قلت، كنت بعمل حفلة وفرح في اليوم على الأقل وفي الصيف كنت بشتغل أكتر من 4 حفلات في الساحل دلوقت ده كله اتلغى.
وتابع حمو بيكا، أن الأزمة التي يمر بها حاليًا، أثرت بشكل كبير على العاملين معه والذي يبلغ عددهم 13 فردًا، بالإضافة إلى فرقته الأساسية والتي يبلغ عددها 7 أشخاص.
واستكمل حمو بيكا حديثه، بأن نقابة المهن الموسيقية لا تريد إعطاءه فرصة جديدة، بعد رسوبه المرة الأخيرة، وتربط فكرة إعطاءه التصاريح بأزمته الأخيرة مع سكرتيرها أحمد رمضان.
حمو بيكا يكشف ندمه على عدم تعليمه
وسبق، وقال مؤدي المهرجانات إنه نادم على عدم تعليمه بعد سفره لـ أمستردام، وكتب على حسابه الشخصي بـ فيسبوك: سافرت أمستردام وعشان تعليمي معرفتش أخرج من المطار ولا أتكلم، ولو أنا متعلم مكنتش احتجت لحد والطيارة فاتتني بسبب أن كل الكلام بالإنجليزي، ومش عارف لا أقرأ ولا أكتب، التعليم هو كل حاجة وفات الأوان ومفيش وقت إني أتعلم، بس أنا دلوقتي في دبي وبحاول أشوف مدرسة أتعلم فيها، واستقريت في دبي عشان أشتغل بقالي شهر في دبي ونفسي أنزل مصر.
