بعد اتهام موديل بالزواج منها.. محمد الشقنقيري يعتذر لزوجته: آسف على أي تصرف جرحك في غيابك
وجّه الفنان محمد الشقنقيري، رسالة اعتذار لزوجته الفنانة مروة أمجد، بعدما أثارت الموديل رحيل ذكري، جدلًا واسعًا، واتهامها إياه بالزواج منها عرفيًا.
ونشر محمد الشقنقيري عدة صور جمعته بالفنانة مروة أمجد عبر حسابه الشخصي على موقع التواصل الاجتماعي فيسبوك، وعلق قائلًا: بحبك.. وآسف من كل قلبي.. آسف على أي تصرف ممكن يكون جرحك أثناء غيابك.. آسف على دخولي في تفاهات خلال انفصالنا.. كان لازم أعمل لغيبتك ألف حساب، وكان لازم أقدر الأمور أحسن من كدة.. حتى في طلاقنا أقحمتك في معاركي الخاصة، وبرضه كنتي سندي الوحيد زي ما طول عمرك سند وضهر.. آسف عمري كله اللي جاي.. بس اللي بينا أكبر بكتير من كل ده.. احنا بينا مش عشرة سنة ولا اتنين احنا بينا عشرة 25 سنة.. بينا بيت وحياة وولاد وعشرة عمر.. أنت حب العمر كله.. أنت الحب الوحيد في حياتي.. أنا وعدتك واحنا بنرجع إني عمري ما هاجرحك في يوم من الأيام، وللأسف مافيش كام شهر ودخلتك في دوامة ملكيش ذنب فيها، وفي وقت حتى مكنتوش موجودة في بس برضه كان لازم آخد بالي كويس.. أنا بعمل إيه وبتعامل مع مين وزاي! وبرضه أنت الوحيدة اللي واقفة معايا مش عارف أقولك إيه ولا اعتذرك إزاي !!! بس أنا حقيقي آسف وحقيقي عمري ما حبيت ولا هحب ست غيرك.. بحبك.
واتهمت الموديل رحيل ذكري خلال الأيام الماضية، الفنان محمد الشقنقيري بالزواج منها عرفيًا، وإنكاره ذلك الزواج أمام الناس، وخرج الأخير مدافعًا عن نفسه، نافيًا زواجه حتى في فترة انفصاله عن أم أولاده مروة أمجد، ليرفع ضدها دعوى إشهار ودعوى سب وقذف، لتقوم رحيل برفع قضية إثبات زواج في محكمة الأسرة، وأصبحت الأمور بين أيدي القضاء.
