هنادي مهنا: شائعات خلافاتي مع أحمد مبسوطة بيها عشان مانتحسدش
سخرت الفنانة هنادي مهنا من شائعات انفصالها عن زوجها الفنان أحمد خالد صالح التي ترددت خلال الفترة الماضية.
قالت هنادي مهنا خلال مداخلة الهاتفية:الموضوع مضحك وبيضحكني أوي وقلت كويس أنهم مشغولين في الكلام، وده متخيلينا أننا بينا خلافات أحسن مايحسدونا.
وأضافت: أكيد زي كل البني أدمين بس مش بتخانق وهو بيغير عليا في حدود الطبيعي.
وكشفت هنادي أنها أحيانا تقوم بفتح موبايل زوجها، لكن ليس لشيء سوى لأخذ صور بعينها أو خلاف ذلك وأن الباسورد خاصته بحوزتها، قائلة: مش عشان حاجة بفتح موبايله عشان بس لو هكلم حد أو عايزه صور وهو مش بيغيره لأنه ماعندوش حاجه يخبيها فسايبه زي ما هو.
وتابعت: مافيش مجال للمنافسة الفنية بينى وبين أحمد وبشكل عام بين راجل وست، لكن على أية حال أتمنى أني نجح أكتر وببقى فرحانة لما ينزله حاجة وبكون متحمسه في دعمه وكأن الدور لي.
وعن وجود خطوط حمراء في الأدوار التي تقدمها، أوضحت: عندي خطوط حمراء زي أي حد، بس مش براعي في الآخر أني بشتغل في مجتمع مصري وبتخيل شعورهم، وهما بيشوفوا أى فنان في التلفزيون المفروض هو قدوة، وفيه ناس ممكن تقلد فأتمنى دائما أكون قدوة للأسرة تجاه أبنائهم، ومش عاوزة أعمل حاجة تضايقهم أو تكون مختلفة عن مجتمعهم.
لافتة هنادي أنها تقر بوجود قيود مجتمعية أكثر على الفنانة، قائلة: مش هتكلم عن ده وأققول معاه ولا ضده؟ لكن في النهاية ماعنديش غير حل من أتنين أما إحترام المجتمع وأمشي كما يريد أو كما يحبون وأبقى معاهم، وأعمل عكسهم وأققلهم حبوني بالعافية والخيار الثاني أما أعمل الأشياء الأخرى في مجتمع أخر في النهاية لازم أحترم المجتمع ده الي أنا إخترت أعيش فيه.
