إيمي سلطان: معنديش مشكلة مع انتشار الراقصات الأجانب بمصر لأني مش هقدر أشيل الليلة لوحدي | فيديو
عبّرت الراقصة الاستعراضية إيمي سلطان عن سعادتها بوجود الراقصات الأجانب في مصر، مؤكدةً على عدم انزعاجها من انتشارهم.
وقالت إيمي سلطان خلال حوارها مع القاهرة 24، لا يوجد لدي مشكلة مع الراقصات الأجانب في مصر، والمفروض نرى انتشارهن أمرا إيجابيا وليس العكس، وذلك لا ينفي أنه ليس لديهن الكفاءة مثل المصريات؛ لأنهن لا يعلمن تاريخ وتراث الرقص الشرقي.
وأضافت: المفروض نكون مبسوطين إن فيه ناس تانية بترقص وأنا مش هقدر أشيل الليلة لوحدي الصراحة.
أما عن منتقدي الرقص الشرقي، تابعت إيمي سلطان: مش محتاجة إني أرد عليهم؛ لأننا بنتكلم في حاجة عبارة عن علم وليها مصادر تاريخية، وموثقة ولا نستطيع الجدال بشأنها، كما أنها مرسومة على جدران معابدنا منذ آلاف السنين، فاحنا مش هنتناقش مع حد هايف ومش دارس ومش فاهم حاجة، واللي مش عاجبه الفن ده ممكن ميروحش يتفرج عليه ولا يقطع تذكرة عشانه، ولو شافه في التليفزيون ممكن يغير المحطة، ومنظومة الرقص مش محتاجة إني أدافع عنها، عشان واحد مش فاهم ومش عايز يفهم وكمان مش ذوقه.
توثيق الرقص الشرقي في اليونسكو
وفي سياق منفصل، أطلقت الفنانة إيمي سلطان مبادرة تصنيف الرقص الشرقي المصري كتراث شعبي عالمي في منظمة اليونسكو العالمية، وسعت لإدراج الرقص الشرقي المصري ضمن تصنيفات التراث الشعبي غير المادي في منظمة الأمم المتحدة للتربية والعلم والثقافة اليونسكو، ليتم الاعتراف به كتراث مصري أصيل على مستوى العالم.
