بخاف من الوحدة والموت وصعب حد يرتبط بيا.. أبرز تصريحات دينا الشربيني
حلت الفنانة دينا الشربيني ضيفة في برنامج AB talks أمس الثلاثاء، الذي يقدمه الإعلامي أنس بوخش، حيث يعرض البرنامج عبر موقع يوتيوب، وتحدثت دينا عن حياتها الشخصية ومخاوفها من الحياة.
أبرز تصريحات دينا الشربيني في برنامج AB talks
- أنا من جوايا شخص ضعيف وبتأثر بسرعة وبحب بسرعة.
- أنا شخصية مش كتومة.. ولو متضايقة هكلم أصحابي في التليفون وأعيط وبشوف العياط شيء صحي.
- كنت بتكسف أقول لماما بحبك زمان.. لكن دلوقتي بقيت بقولها كتير.
- مبحبش الندم ومش عايزة أتغير لأني لو إتغيرت هبقى بني أدمة أوحش مما أنا عليه.
ـ وفاة هيثم أحمد زكي من أسوأ اللحظات في حياتي.
- بخاف من الموت والوحدة.. ومش عايزة لما أكبر أعيش لوحدي.
- لما طلع عليا شائعات إني خطفت راجل من مراته وامتنعت ساعتها عن الرد عامين لأني مقدرش اتكلم عن حياة أشخاص بس إحنا كنا مع بعض ومش على رأسي بطحة.
- مفيش واحدة بتسرق راجل كله بييجي بمزاجه
- حبيت مرتين في حياتي وبكره الكذب والخيانة.
- معنديش حياة شخصية وصعب حد يرتبط بيا ويستحمل غيابي طول الوقت.
- معرفش إذا كنت بعرف أمثل ولا لا ويمكن يكون تمثيلي زفت.
- كنت طفلة شقية وعندية وزنانة جدًا وأتمنى عيالي ميطلعوش زنانين زيي.
آخر أعمال دينا الشربيني
شاركت دينا الشربيني في مسلسل المشوار الذي عرض في السباق الرمضاني 2022، وضم الكثير من النجوم أبرزهم، محمد رمضان، أحمد مجدي، بيومي فؤاد، وعدد آخر من الفنانين، والعمل من تأليف محمد فريد وإخراج محمد ياسين.
