شيرين عبد الوهاب: أنا دفعت فلوس شقة أهل حسام حبيب.. وكنت بصرف على والدته لأني بنت أصول
تحدثت الفنانة شيرين عبد الوهاب، عن علاقتها مع حسام حبيب، مؤكدة أنها كذبت على الجمهور وحاولت تجميل صورته على الرغم من أذيته لها.
وقالت شيرين عبد الوهاب في تصريحات تلفزيونية: والد حسام حبيب هو المتحدث الرسمي لعلاقتنا ودي شغلته تقريبًا.. وأنا لو أدمنت الأدوية زي ما بيقول هيكون السبب عيشتي مع حسام وأني تعبت وتخنت بسببه.. وممكن أروح بيتهم وأكسر العمارة بإيدي.
وواصلت شيرين عبد الوهاب: أنا كنت بشتري له أغاني وأبوه بينزل بيان وأبوه كان المتحدث الرسمي للعلاقة هو شغال كدا بس أنا أروح أكسر لهم العمارة والبيت اللي ساكنين فيه وبأيدي، أنا لو كنت أدمنت الأدوية ودكتوري موجود وتعبت وتخنت عشان عيشته وحياته معايا ولما عاشرته تعبت.
وأضافت شيرين عبد الوهاب: أنا دفعت فلوس شقة أم حسام حبيب وأهله لأني بنت أصول وكنت بدي فلوس لأمه لأن كانت هتعيش منين؟ وبعد كل دا بيسرق عربيتي ويهددني.. إيه الفجر دا؟.
كما وجهت شيرين عبد الوهاب رسالة لجمهورها ولكل من سأل عنها في أزمتها، قائلة: أنا مش هنسى سؤال ياسمين عبد العزيز عليا وقت أزمتي ولا منة شلبي وكل الناس الحلوين اللي سألوا عليا والجمهور، وبقول للناس أنا أسفة أني بتكلم في موضوعي الشخصي، وعارفة أن الناس في البلد عندها مشاكل أهم.. ولكن كان لازم أتكلم وأعتذر للجمهور أني كذبت عليهم.
