شيرين عبد الوهاب: حسام حبيب ضرب عليا وعلى عيالي نار وقالي خدي دي مني ليكي هدية
تحدثت الفنانة شيرين عبد الوهاب عن واقعة توجيه طليقها الفنان حسام حبيب طلقات رصاص عليها في الاستوديو، الكائن بمنزلها الخاص.
تصريحات شيرين عبد الوهاب مع حسام حبيب
وقالت شيرين عبد الوهاب، خلال مكالمة هاتفية عبر برنامج كلمة أخيرة الذي تقدمه الإعلامية لميس الحديدي: عيالي في آخر يوم كانوا هيتضربوا بالرصاص، وكنا قاعدين في الأوضة بتاعت الاستوديو، فماسك العلبة اللي فيها رصاص وراح مديني رصاصة، وقالي خدي دي مني ليكي هدية، يمين بالله ده اللي حصل معايا.
وأضافت شيرين: حسام حبيب كان موجود في البيت عشان بنخلص شغلنا في الاستوديو، وشغلنا مش بيخلص في 3 و4 ساعات، وأنا اللي غلطانة إني دخلته بيتي، وحقكوا عليا وآسفة وبعتذر للناس اللي كدبت عليهم، وأكيد في حياتكم مشاكل أهم مني ومن جوازتي السودة.
وتابعت شيرين عبد الوهاب: طلعت أقولكم حقكوا عليا، وهتعب عشان أرجع تاني شيرين اللي أنا ضيعتها عشان خاطر حب للأسف عمره ما كان حب ده كان ضحك، ده واحد كان عنده 3 كلمات مش بيقول غيرهم آيات المنافق الثلاث إذا أؤتمن خان وإذا حدث كذب وإذا خاصم فجر.. أقسم بالله ما بيعمل غير التلاتة دول.
تعرض شيرين للتنمر من حسام حبيب
وكشفت المطربة تعرضها للتنمر من حسام حبيب، قائلة: بعد ما عمل كل ده ألاقيه بيتهمني ويتنمر عليا، ويقولي تخنتي وبقيتي شبه أمك، وأنا عاوز واحدة أتباهى بيها قدام الناس تبقى حلوة ورفيعة وكلام من ده، بخلاف الخناقات التي تعرضت فيها للضرب والسحل على الأرض وشتيمة، عمر ما في إنسانة تقلبها على نفسها.
وواصلت الفنانة حديثها قائلة: لما تم طلاقي رجعت له وأديته فرصة أخرى بشروط، وأن يكون مختلف عن بيت الزوجية، وألا يتعرض البنات لحالة نفسية سيئة، وكان بيتردد على بيتي عشان فيه استوديو تحت البيت وقتها وبينا شغل، وحاولت أهيأ البنات إنه لا زال موجود لحد ما تلاشت الوعود مجددًا، ورجعت المشاكل وقلة الأدب ترجع بلا سبب.
