شيرين عبد الوهاب: لو أدمنت الأدوية زي ما والد حسام حبيب بيقول هيكون بسبب عيشتي مع ابنه
علقت الفنانة شيرين عبد الوهاب، على تصريحات والد حسام حبيب بشان إدمانها للأدوية، بجانب الحديث عن حقيقة علاقتها مع حسام حبيب.
وقالت شيرين عبد الوهاب في تصريحات تلفزيونية: والد حسام حبيب هو المتحدث الرسمي لعلاقتنا ودي شغلته تقريبًا.. وأنا لو أدمنت الأدوية زي ما بيقول هيكون السبب عيشتي مع حسام وأني تعبت وتخنت بسببه.. وممكن أروح بيتهم وأكسر العمارة بإيدي.
وواصلت شيرين عبد الوهاب: أنا دفعت فلوس شقة أم حسام حبيب وأهله لأني بنت أصول وكنت بدي فلوس لأمه لأن كانت هتعيش منين؟ وبعد كل دا بيسرق عربيتي ويهددني.. إيه الفجر دا؟ وجبت عربية مرسيدس لـ حسام حبيب وبيهددني يعملي محضر سرقة بيها.
وأضافت شيرين عبد الوهاب: أنا لو روحت عملت حفلة أو فرح ناجح ينكد عليا ويقولي كنتي ماسكة الراجل كده ليه والواد بيعمل معاكي كده ليه؟ أقوله ده قد ابني، ولو عملت إعلان ناجح زي إعلان بنك مصر، وأبقى تريند والناس مبسوطة بيا لازم هو ينكد عليا، ويبوظ اليوم.. هو كان مريض بـ حب الامتلاك لدرجة كان بيحاول يقنعني أن اللي حواليا بيتأمروا عليا وبعدني عن بناتي وأصحابي.
