هاني شنودة: أنا ضد كلام المهرجانات.. وكان لازم الناس دي تتمسك آداب
كشف الموسيقار هاني شنودة رأيه في أغاني المهرجانات، مؤكدًا أنه ليس ضد هذه الأغاني ولكنه ضد الطريقة والكلمات التي تقدم بها.
وقال هاني شنودة خلال لقاء تلفزيوني: أنا مش ضد المهرجانات بالعكس دول بيسعدوا الناس وبترقص معاهم، مفيش نوتة مؤدبة ونوتة قليلة أدب، مفيش كده في الموسيقى.. لكن أنا ضد كلام المهرجانات واعتراضي على الكلمات فقط والطريقة اللي بتقدم بيها المهرجانات أنا ما ادخلش الكلام بيتي ومعترض عليه.. ليه بوليس الآداب ما ممسكش الناس دي لحد دلوقتي.
وأضاف: كان نفسي هاني يسجل المهرجانات دي ويوديها للنائب العام، يقول له إن في ناس بتنشر الرزيلة وأي تجاوز الدولة لازم تأخذ موقف منه مع الحرية الكاملة لكن بالضوابط.
في سياق متصل، كشف “شنودة”، رأيه في مطرب المهرجانات حسن شاكوش، قائلًا: حسن شاكوش عدى العالمية وموهوب بشكل كبير.. وأغنية بنت الجيران كسرت الدنيا في العالم كله دي حقيقة وواقع.
كما كشف رأيه في أغاني الراب، مشيرًا إلى أنه لا يمانع من تقديم أغاني راب ويتمنى أن يلحن لـ ويجز، قائلًا: في يوم من الأيام هعمل راب، لأن معظم كلامه نضيف وكويس، وهو عبارة عن شعر متقال على ألحان إفريقية أي مطرب متدرب يقدر يغني راب.
وأردف: أكتر حد بحبه ونفسي ألحن له هو ويجز، أحنا كلنا زمايل في الأول والآخر، وأي بني آدم مصري يا أخويا يا ابني حسب السن ما عنديش أنا فكرة إني أحسن من حد.
