أكرم حسني بعد حذف كليب للي: محمد منير قالي دول أعداء نجاح.. وسأتخذ الإجراءات القانونية الرادعة
كشف الفنان أكرم حسني، تعليق الفنان محمد منير، بعد حذف كليب للي من إدارة موقع الفيديوهات يوتيوب، بعد تحقيقها نجاحا كبيرا.
وقال أكرم حسني خلال استضافته ببرنامج كلمة أخيرة الذي تقدمه الإعلامية لميس الحديدي: منير قالي اللي بيتخانق مش فاضي عشان يشتغل والنهارده قالي دول أعداء نجاح بعد ما الأغنية اتشالت وماتركزش، وبالفعل هو مانزعجكش لأنه تاريخ كبير وياما قابل من مشاكل.
وأضاف: لما اتحذفت الأغنية تواصلت مع المطرب المدعي عشان أنا مش بتاع مشاكل وقولتله تعالى نحلها بالود، ولما قولتله تعالى نحتكم بخبراء موسيقيين وقانونيين رفض، وقالي دي أغنيتي وأنا متمسك بحقي مش هسيبه، فقولت هتخذ بإجراءات قانونية رادعة.
وتابع أكرم حسني: لأني بشتغل بقالي 18 سنة وبنيت نفسي بشخصية مذيع لممثل لكاتب وشاعر، فيه ناس بتستكتر النجاح ده، وأنا متعاطف مع النوعية دي يحاولوا يعملوا دوشة على اي نجاح.
وأردف أكرم حسني: منزعج من اللي بيحصل، وأنا بشتغل من 2004 وأكيد اتعرضت لمشاكل كتير، ولكن لما تيجي لسمعة أخلاقية فكان لازم أطلع وأرد عشان حق الجمهور، ولما يبقى فيه مشكلة بيبقى الجمهور من حقه والكينج وأولادي الحق فين؟، لأن الموضوع ده بيمس الأخلاق، وأنا ابن مؤسسة عسكرية ومتربي على حماية الحقوق مش سرقتها.
