فادية عبد الغني: منى زكي بتمثل كل الألوان.. وهند صبري ومنة شلبي ممثلات من العيار الثقيل
تحدثت الفنانة فادية عبد الغني، عن اللحظات التي شعرات خلالها بأنها مظلومة فنيًا، مشيرة إلى أن هناك العديد من الممثلات في الوقت الحالي يقدمن أدوار البطولة وهن غير مؤهلات لذلك.
وقالت فادية عبد الغني، في تصريحاتها التلفزيونية: لما ببص على التتر وهو نازل وألقي واحد أو واحدة ملهمش لازمة وبعدين مكتوب 350 واحد بيساعدوهم، بحس إن إحنا في الضياع الحقيقة، هو في حد في الدنيا بيبقى عنده 50 مساعد؟ يعني أه حقك إنك تاخد وضعك بس بالمعقول.
وأضافت فادية عبد الغني: كل واحد بيمثل له طريقة ولون وشكل، بس منى زكي بتمثل كل الألوان، وهند صبري ومنة شلبي، من الممثلات من العيار الثقيل، وبيمثلوا كل الألوان.. وفي ممثلات كتير بيعملوا بطولات وهما الحقيقة لسه محتاجين وقت علشان يعملوا ده.
فادية عبد الغني
وفي سياق متصل، تحدثت فادية عبد الغني عن بعض الشائعات التي أزعجتها ومنها حلاقة شعر ابنتها وفرض الحجاب عليها، قائلة: اتقال إني فرضت عليها الحجاب وحلقت لها شعرها علشان أمنعها من التمثيل، الناس دي بتعمل كده عشان تكسب من الكلام الفاضي والشائعات اللي ملهاش لازمة.
وعن شائعة وفاتها، أضافت: طلعت عليا شائعة إني مت من ناس محترمة، وعملوا ليا صوان وصوروا الفنانين اللي بيعزوا وأنا في بيتي كافية غيري شري بعديها بالصدفة تعبت وجالي كورونا وزعلت جدًا.
