روبي: بضرب نفسي بالجزمة أني ماخلتش أمي تتجوز بعد وفاة أبويا
تحدثت الفنانة روبي، عن بدايتها في المجال الفني، وسبب اختيار اسمها، مشيرة إلى أنها دخلت الوسط الفني بالصدفة ولم تكن ترغب في الشهرة.
روبي تكشف سر اختيار اسمها
وقالت روبي خلال لقائها في برنامج معكم تقديم الإعلامية منى الشاذلي: في البيت عائلتي بتقول لي رانيا مش روبي، واسم روبي فني بحت وأنا استغربته أصلا.. ولما كنت بعمل فيلم سكوت هنصور مع المخرج يوسف شاهين، كان بيدلعني وبيحبني وكان مستصغرني وعاملني لعبة ونونة اللوكيشن وقال لي في رانيات كتير في رانيا يوسف ورانيا فريد شوقي وقالي إنتي اسمك سحر قلت له نعم؟ بعدها قال لي خلاص روبي عجبني أنه سهل النطق ومتفرد وعجبني جدًا.
عمري ما فكرت في الشهرة كان هدفي الفلوس
وأضافت: دخلت المجال وأنا موديل إعلانات علشان أجيب فلوس عمر ما كان في باللي اشتهر، سبحانك يا رب، يختارني محمد أمين في فيلم ثقافي وسكوت هنصور كله ورا بعض لقيت نفسي اشتهرت عمري ما كان نفسي اشتهر كان طموحي أتجوز وأقعد في البيت علشان الست لما بتشتغل بيتعمل لها ألف حساب.
وتابعت روبي: كنت متمردة مع مامتي كان لما يجي لها عرسان بعد وفاة أبويا، كنت برفض وأعمل حركات مجنونة فقالت لباباها مش هرتبط بحد واترملت وهي 34 سنة، فدي حاجة كبيرة بالنسبة لي أمي اترملت عندما كان عمرها 34 سنة، وأنا بضرب نفسي بالجزمة إني مخلتش أمي ترتبط بعد وفاة والدي، لأني حسيت أني ظلمتها جامد.
