حورية فرغلي: مش فاهمة ليه بيهاجموني عشان القطة السافلة
استنكرت الفنانة حورية فرغلي، الهجوم الذي تلقته من قِبل الجمهور بسبب أغنية القطة السافلة، مؤكدة أن الجزء الخاص بها في الأغنية لا يوجد به أي لفظ خارج، مشيرة إلى أنه يوجد من يريد تشويه صورتها.
وقالت حورية فرغلي، خلال إحدى اللقاءات التليفزيونية: أنا دلوقتي مش عارفة إذا كان غلط إني عملت أغنية القطة السافلة ولا لأ، في ناس بتقول أهو حاجة جربتيها وخلاص، وناس تقول مكنش المفروض تعملي كده يا حورية، طيب ما أنا عملت عبده موتة وكنتوا بتشتموني، وبتقولوا إزاي تعملي دور زي ده، الناس هاجمتني أوي ولكن بعد كده نجحوا الفيلم أوي.
وأضافت حورية فرغلي: أنا غيرت حياتي من ساعة ما جيت من أمريكا، أنا رجعت صفحة بيضاء وبختار الناس اللي تبقى حواليا، ولكن في ناس بتهاجمني، في حد عايز يقعدني في البيت، حد عايز يشوهني ويكسرني، في حاجة مش طبيعية.
وفي ذات السياق، قالت حورية فرغلي، إنها تطالب بتغيير عنوان أغنيتها الجديد القطة السافلة مع جيفارا، وذلك في تصريحات خاصة لـ القاهرة 24: أطالب بتغيير اسم أغنية القطة السافلة، مضيفة: لم أندم عليها ولكن كان المفروض أسمعها كلها، لكني سمعت المقطع الخاص بي فقط وما فهمتش كلام جيفارا لأنه راب، ومفيش كلمة قلتها وحشة أو فيها حاجة خارجة.
وأضافت: مستعدة للهجوم لكني حرة جربت حاجة لأول مرة إيه المشكلة، ومكنتش عارفة ليه الناس هاجموني، وما أعرفش غادة إبراهيم اللي هاجمتني ولا عمري اشتغلت معاها مفيش علاقة بيني وبينها.
