فريدة سيف النصر: الفنانين فاتحين بيوت 14 مليون مصري.. ليه بتهزأونا؟
أعربت الفنانة فريدة سيف النصر، عن استيائها الكبير من الهجوم على الفنانين، مشيرة إلى أن الفنانين لهم دورا قويا في المجتمع، لأنهم سبب في توفير دخل حوالي 14 مليون شخص، ما بين عامل في مسلسل، أو كاتب أو مخرج وغيره، متعجبة من التعليقات السلبية التي يتلقاها النجوم عبر مواقع التواصل.
وكتبت فريدة سيف النصر منشورًا عبر حسابها الشخصي بموقع التواصل الاجتماعي فيسبوك، قالت فيه: أنا زعلانه علينا كلنا.. المصريين أحلى وأطيب وأجدع من كده بكتير، خفة دم وكرم وذوق، إيه اللي حصل؟، ليه بنستخبي ورا شاشات وتنزل نحر رقاب بعض، الكلمة القاسية بتذبح، بقينا نكديين منعرفش نفرق بين جد وهزار، كله عايز يتخانق مع كله.. إيه ده، كل يوم يعاملوك بوش أو حسب المصلحة.
وتابعت فريدة: في إيه بعض الناس ماسكين الفنانين وكأن في تار بلا أسباب، دي عجزت ودي كرمشت ودي غيرت دينها، وده دمه تقيل وده كبر في السن لكن بيغني، وده بيرقص كونغرو، وده اتكسح ودي روحي موتي كفايه.. مالكم في إيه بجد.. هما الناس دي ما أسعدتكمش أعمالهم فترات من الزمن؟، طيب بلاش أنت مابتحبيش فلان غيرك بيحبه.
تصريحات فريدة سيف النصر
وأضافت فريدة: في إيه يا جماعة تحسوا مخطط لهدم الفنانين القوى الناعمة، اللي فاتحين بيوت 14 مليون متخيلين، كل المهن شغالة معانا تحت أيديهم كام عامل، وأسطى كل واحد فيهم عنده أهل وزوجه، وأطفال وفي اللي جوز ولاده وعندهم بيوت مفتوحة، بتحاربوا تمن عدد البلد في أكل عيشهم، اقرأوا كده المسلسل بيكتب ناس قد إيه عِمالة في العمل، كفاية هد في الفن، الوحش انقدوه بأدب والكويس شجعوه، إنما تهزأوا فنانين كبار ليه يعني، على فكره أنا عارفة إنها لجان مستهدفة الفن المصري، والفن عمومًا ما هو العربي بيصب هنا.. هاه قرروا إيه.. هنشتم من ورا الشاشة، ولا هنقول كلام نصح حلو يا باشا.
