عبد الله رشدي يرد على سيدة اتهمته بخداعها والتعدي عليها: سأحاسب بالقانون كل من شهّر بي
رد عبد الله رشدي، الداعية الإسلامي، على سيدة ادعت أنها ضحيه له، وأنه تلاعب بها وخدعها واعتدى عليها.
وقال رشدي في منشور عبر موقع التواصل الاجتماعي فيس بوك: أعلم أنهم يجتهدون ويعملون بكد ليسقطوا رمزا أقض مضاجعهم، لسنا بلقمة سائغة، ولا تنال الضباع من طوافها حول الأسود إلا الخيبة، الأسود لا تصنع ما يضعفها أمام الضباع.
وتابع الداعية الإسلامي: سيحاسب بالقانون كل خائض على خوضه في التشهير جريا وراء ادعاءات خيالية دون سند، مضيفًا: ماضون نحو المزيد من إيجاعكم، وليس لنا إلا غير الله حاجة ومذهب.
فتاة تدعى جيهان تتهم عبدالله رشدي بالاعتداء عليها
وكانت قضية الداعية الإسلامي عبدالله رشدي حديث مواقع التواصل الاجتماعي، منذ صباح اليوم، بعد أن ظهرت أمس سيدة تدعى جيهان في منشور عبر موقع التواصل الاجتماعي فيس بوكن قائلة: أنا ضحية من ضمن ضحايا الشيخ عبدالله رشدي.. سيدة عربية وحاليًا مستقرة في دولة أوروبية، وزيي زي البعض منكم.. كنت من ضمن محبي ومتابعي الشيخ عبدالله رشدي.
وسردت جيهان تفاصيل معرفتها بالداعية الإسلامي، قائلة: من فترة كبيرة دخلت كلمته في استشارة دينية بخصوص ناس مقربين ليا، ورد عليا عادي، وبعدها تابع معايا لحد ما الموضوع خلص، وكملنا مع بعض كمعارف عادية، مضيفه: بدأت أعجب بيه، وطلب مني أقابله في مصر عشان نتعرف أكتر، واتفقنا إنه لو تم التوافق هنتجوز بشكل رسمي.
وتابعت: اتفقت مع رشدي لعمل عقد شرعي عشان بس لو تواجدنا مع بعض أو سلمنا على بعض أو اتكلمنا في حاجه خصوصية، وكل التفاصيل دي تبقى حلال، بس شرطت إنه ما يتعرضليش ولا يلمسني، وعاهدني إنه مش هيلمسني، وبعدها مشيت في إجراءات السفر، ونزلت مصر واستقبلني في المطار.. كنت حاجزة شقة، ومعاد إخلاء الشقة دي، عارض اليوم اللي نزلت فيه، فكلم حد من أصحابه، وأخد منه مفاتيح الشقة اللي تخص صديقه في العبور عشان أقعد فيها، ولما روحت هناك، قالي هقعد بس معاكي 5 دقايق نرتاح من المشوار.. أنا بحكم إني عايشه في أوروبا والمجتمعات الغربية؛ مفيهاش خوف في المواقف اللي زي دي، فقولت أكيد مش هيعمل حاجة في الخمس دقايق دول، وهو راجل دين.. أكيد بيخاف ربنا.
واختتمت جيهان: عمل هو الاتفاق بشكل شفوي بدون أي ورق، واتصل باثنين شهود مشايخ دكاترة في جامعة الأزهر، شهدوا على الاتفاق بشكل شفوي بردو، وأنا أكدت عليه، إنه مينفعش يلمسني.. إحنا عملناه فقط عشان الحُرمانية على حسب كلامه، وبعد ما تم العقد؛ خالف العهد ده وتعدى عليّ بدون موافقتي، وبعد محاولات كثير من إهانة وهتك عرض؛ عرفت أخلص من تعديه عليا اللي كان بكل عُنف وسادية.
