رامي جمال عن المطرب النقاش: هيقدم أغنيتين.. ولن يمنعني عن تنفيذ وعدي إلا وفاتي
كشف الفنان رامي جمال، كواليس مشروعه القادم الذي سيجمعه مع أحمد سالم النقاش صاحب الفيديو المتداول على مواقع التواصل الاجتماعي.
ونشر رامي جمال، مقطع فيديو يجمعه مع أحمد سالم، وذلك عبر حسابه الشخصي بموقع تبادل الصور والفيديوهات انستجرام، حيث قال: نورنى النهاردة الفنان أحمد سالم عشان بس الناس اللى كانت فاكرة أن إحنا بنضيع وقت مفيش وقت بيضيع، وأحمد أنا لسه راجع من السعودية إمبارح بأمر لله خلال 3 أو 4 أيام هنسمع أغانى من أهم ناس في مصر بأمر لله، عشان نختار الأغنيتين أغنية تجمعنا وأغنية تانية لوحدها لأحمد.
رامي جمال: وعدي لأحمد لن يمنعه سوى وفاتي وعمري يخلص
وتابع رامي جمال: وعدي لأحمد لن يمنعه سوى وفاتي وعمري يخلص، لكن بطمن الناس كلها أحمد بأمر لله هيعمل أغنيتين وهتستمتعوا بصوته، وبقول للناس كلها أحمد مضي مع شركة إدارة أعمال أي حد يتواصل مع أحمد هيديله رقم شركة، وأنا بالنسبة ليا في الأغنيتين مش عايز منه حاجة ولا أمضيه على عقد احتكار ولا حاجة عشان أحمد واضح أن ربنا كتب لي قبول عند الناس.
ووجه رامي جمال رسالة لأحمد سالم مؤخرًا، من خلال فيديو نشره من على حسابه الشخصي بـ انستجرام، إذ قال: عايز أتكلم عن القبول اللي ربنا كتبه للفنان أحمد سالم، أحمد فنان بدرجة مشفتهش في حياتي غير مرتين تلاته، أحمد أنا شايف القبول اللي ربنا كتبه والحب اللي أنتوا حبينوا لي فرحان جدًا أن ما زال الصوت الحلو والفن الحقيقي الناس بتحبه وبتدعمه.
وتابع رامي جمال حديثه: في ناس كتير وفرحانة أني بساعد أحمد أنا مش بساعد أحمد، أنا بساعد نفسي كفنان وملحن ومطرب، والوسط الفني لما يبقى في فنانين زي أحمد بترقي بالذوق العام ودي حاجه محتاجينها كلنا.
