اتهامي بقضية دعارة كانت ملفقة والقبلات بالسينما تمثيل.. أبرز تصريحات آمال رمزي
حلت الفنانة آمال رمزي، ضيفة في أحد البرامج التلفزيونية، وخلال الحلقة كشفت العديد من الأسرار حول حياتها الشخصية، وتحدثت عن تفاصيل اتهامها في قضية دعارة مع فنانات أخريات.
أبرز تصريحات آمال رمزي
ونرصد لكم في هذا التقرير أبرز تصريحات آمال رمزي:
-اتهامي في قضية دعارة كانت متلفقة، بسبب انتقام أحد الأشخاص من الفنانة ميمي شكيب بعدما رفض استكمال علاقتها معه.
-المحامون كانوا في غاية الاستغراب بسبب اتهام 12 سيدة بممارسة الدعارة، ومفيش اسم راجل واحد في القضية وظهرت البراءة بعدها بشهرين.
-القبلات في السينما بتكون تمثيل.
-إحنا فتحنا عنينا وإحنا بنحب السينما، ويعني إيه سينما نضيفة ومش نضيفة.
-التشدد اللي موجود اليومين دول بيدل على إنه فيه ناس إرهابيين اتزرعوا وسطنا، ومدفوع لهم فلوس.
-عادل إمام كان المرشح لفيلم البيه البواب ولكن اعتذار.
-زعلت من عادل إمام لما اعتذر عن الدور، لأني كنت هعمل زوجته.
-تم استبعادي من فيلم البيه البواب من الفنان أحمد ذكي، لعدم رغبته في أدائي لدور زوجته.
-أحمد ذكي قال لي مينفعش تبقي مراتي لأنك حلوة، وأنا عاوز زوجة سوداء مش ممكن أسيبك وأروح لصفية العمري انتوا الاتنين زي بعض.
-عرض عليا أحمد ذكي أظهر في الفيلم ضيفة شرف، بنفس الأجر وكنت سعيدة بمشاركتي فيه لأنه نجح جدًا.
-ميرفت أمين بحبها على المستوى الشخصي ومن الجيل الحالي أحب منة شلبي.
-مفيش أي واحدة من نجمات الجيل الحالي في جمال هند رستم؛ لأن جمالها كان طبيعي، دلوقتي بشوف حاجات صناعي كتير.
-ضد عمليات التجميل بتاع الفنانات، لأن ربنا خلقنا زي ما إحنا وفي عمليات كتير بتشوه.
-ساعات كتير بروح العزاء بلاقي كلهم زي بعض.
-عمليات تجميل نادية الجندي عجبتني.
