فرح الزاهد: التعليقات السلبية بتجبلي اكتئاب.. والممثل بني آدم وبيحس
تحدثت الفنانة فرح الزاهد، عن تأثرها الشديد بالتعليقات السلبية على مواقع التواصل الاجتماعي، بجانب الحديث عن مشاركتها في فيلم بحبك مع تامر حسني.
وقالت فرح الزاهد في تصريحات خاصة لـ القاهرة 24: أنا بتأثر جدا بالتعليقات السلبية ولحد دلوقتي بتضايق، والفنان في الآخر بني آدم وبيحس وأنا حساسة جدا وبيفرق معايا كلام الناس.. وواحد قالي اتقي ربنا وضايقني.
وواصلت فرح الزاهد: التعليقات السلبية أحيانا بتخليني أشك في نفسي وبعيط وبفكر كتير وممكن توصل إن يجيلي اكتئاب ولكن مش هغير من نفسي المفروض الناس اللي بتنتقد بدون سبب هما اللي يتغيروا.
أما عن مشاركتها في فيلم بحبك علقت فرح الزاهد، قائلة: أنا فخورة بمشاركتي في فيلم بحبك وأن أول عمل ليا في السينما كان مع تامر حسني، وعمري ما توقعت إني هتعاون مع نجوم كبار زي تامر وأنا في بدايتي الفنية، وكنت خايفة جدا من شكلي في شاشة السينما لأن دي أول مرة، بس دلوقتي أخدت الشجاعة وأكيد هكرر التجربة تاني.
ويذكر أن، فيلم بحبك من تأليف وإخراج تامر حسني، وضم عدد كبير من الفنانين، أبرزهم هنا الزاهد، حمدي الميرغني، هدى المفتي، وأحمد عزمي، وغيرهم.
آخر أعمال فرح الزاهد
وعلى جانب آخر، حققت فرح الزاهد نجاحا كبير بمشاركتها في عدد من الأعمال الفنية، من بينهم مسلسل الطاووس مع الفنانة سهر الصايغ وجمال سليمان وسميحة أيوب ورانيا محمود ياسين.
