مدرب كمال أجسام يهاجم ضحايا تريند ميدوسا: بتفضحي نفسك عشان اللايكات.. مين هيتجوزك كده؟
نشر مدرب كمال أجسام يدعى رامي عادل، فيديو مدته 4 دقائق، عبر صفحته الخاصة على فيس بوك، التي يتاعبها نحو 1.4 مليون شخص، يهاجم فيه ضحايا تريند ميدوسا.
مدرب كمال أجسام يهاجم تريند ميدوسا
وقال عادل: أسطورة ميدوسا، ومش عارف أيه طالع من راسها تعابين، فالستات والبنت المصرية، تعمل أيه اي حد اعتدى عليها جنسيًا من حد من محارمهما، تقوم منزلة الصورة دي، ومدام نزلت الصورة دي يبقى حد اعتدى عليها وهي صغيرة.
وأضاف رامي: هي من ديننا وأخلاقنا نفضح نفسنا، يعني حد تم الاعتداء عليه من 10 أو15 سنة، طب مبلغتيش ليه، مبلغتيش ليه بابا وماما، لا اصل أنا مكسوفة وخايفة، سبحان الله امبارح كانت خايفة، وانهارده فضحت نفسها، وبقى الأب بيشك في أخوه، والام تشك في اخوها والدنيا باظت خالص.
وواصلت: مين هيتجوزك طيب بعد ما عرف إن اتلعب فيكي، طب انا هتكلم ازاي، ما هي دي طريقة الكلام المناسبة للموقف، هو ديننا قال كده ربنا سترك وأنتي مستورة مش لازم نفصح نفسنا، قولي لأبوكي وأمك يحرسوا من شخص مش محترم ده، الفضيحة وحشة مين اللي هيتجوزك.
واستكمل: هو ده في ديننا بقى فخر ميدوسا، ليه مبلغتيش ليه أهلك، وانهارده أكلتك الشجاعة، ولا هو عشان التريند، في بنات محصلهاش كده بس عشان التريند، أيه اللي حصل دلوقتي يابنتي حصلك مشكلة، وتم الاعتداء عليكِ، تبلغي الجهات المختصة، لكن هو مش بأثر رجعي.
وتابع: نحذر بناتنا تنزلي بوستات تحذر من الوضوع ده، والصورة جايبة 500 600 شير عشان تم الاعتداء عليها من عمها ولا خلها، والعيلة تموت في بعض عشان بوست، ليه نقلد الغرب، طب دول لا عندهم دين ولا مبادىء ولا عادات ولا تقاليد، انتو هتدونا فين جاتكم القرف.
تريند ميدوسا ينتشر عبر مواقع التواصل الاجتماعي
وانتشر مؤخرًا تريند صورة ميدوسا، ذات الثعباين الخارجة من رأسها، وتعود إلى أسطورة أغريقية، لفتاة تم الاعتداء عليها، وسحرها ليخرج من رأسها ثعابين، ثم تم قتلها، وهي المجني عليه، وليس الجاني، لذا انتشرت صورتها مؤخرًا عبر منصات التواصل لاجتماعي، ومن يشارك في هذا التريند، يكون شخص تم الاعتداء عليه جنسيًا.
