نجوم الفن يعلقون على مقتل طالبة المنوفية: ربوا ولادكم على احترام حرية البنت
حرص مجموعة من نجوم الفن على التعليق، على قضية الطالبة أماني الجزار، التي قُتلت غدرًا على يد شاب رفضت الأسرة خطبته، في محافظة المنوفية.
ونشرت الفنانة سمية الخشاب مجموعة من التغريدات عبر حسابها الشخصي بموقع تويتر: حاسة إنه عيني اتعودت إني أشوف كل فترة مقتل طالبة على يد زميلها، وده في حد ذاته كارثة، ربوا ولادكم على احترام حرية البنت في اختيار شريك حياتها واختيار لبسها ونمط حياتها يا شوية متوحشين بهايم ربنا ينتقم منكم.
وقالت سمية الخشاب في تغريدة أخرى: يعني دلوقتي التقصير مش من القانون، لأنهم بيتعدموا كده كده، التقصير في تربيتكم الزفت اللي بتخليكم تدوا الولد أو الراجل كل الصلاحيات بأنه يعمل كل اللي نفسه فيه لأنه راجل ولأنه عصب المجتمع ولأنه محور الكون، شوية جهلة همج ربنا ياخدكم.
كما علق السيناريست عبد الرحيم كمال، على الواقعة، حيث كتب عبر حسابه بموقع تويتر: الطالبات البنات اللي بتتقتل دي عايزة وقفة قوية حاسمة قانونية تتبناها الدولة، ويكون الحكم سريع جدًا جدًا ردعًا لشر مستطير يستفحل ولا مقاومة لها إلا بعدالة استثنائية وسريعة، وحسبي الله ونعم الوكيل.
وأعرب الفنان أحمد الشامي، عن غضبه بسبب تزايد قضايا مقتل الطالبات في الآونة الأخيرة، وكتب عبر حسابه بموقع تويتر: طب وبعدين بجد والله؟ هنتحرك إمتى وناخد حق البنات دي؟ الله يرحمهم يا رب ويصبر أهاليهم.
