عمرو سمير عاطف يشيد بـ الليلة واللي فيها: ماشفتش مسلسل عربي قدر يشدني كده بعد هذا المساء
أشاد السيناريست عمرو سمير عاطف بمسلسل الليلة واللي فيها، بطولة الفنانة زينة وأبي يوسف، والذي يعرض حاليًا من تأليف محمد رجاء، وإخراج هانى خليفة، وتدور الأحداث في إطار من الغموض والتشويق.
وكتب عمرو سمير عاطف عبر حسابه بموقع فيس بوك: الليلة واللي فيها من ساعة هذا المساء ما شفتش مسلسل عربي قدر يشدني كده ويجبرني أني أفضل أتفرج على كل الحلقات في ليلة واحدة هما صحيح أربع حلقات بس لغاية دلوقتي لكن حتى لو كانوا تلاتين حلقة ما كنتش ها أبطل اتفرج لغاية ما اخلصـ كل عناصر العمل رائعة الديكور الإخراج الكتابة.
وأضاف: وبالنسبة للكاست فده كان تحدي إضافي قرر المخرج أنه يواجهه يعني غير ان الموضوع فيه صعوبة كبيرة جدا في تناوله بسبب العلاقات الجنسية والخيانة الزوجية وأن أحداث الحلقات كلها بتدور في ليلة واحدة المخرج قرر انه يستعين بممثلين كلهم محتاجين فرصة عشان ياخدوا خطوة لقدام أو فرصة تانية عشان يثبتوا كفاءتهم وجدارتهم.
كما أشاد بموهبة الفنانة زينة كاتبًا: زينة بتفكرنا بقد إيه هي موهوبة وممثلة هايلة ونجمة، وعلاء مرسي بيثبت أنه ممثل تقيل اتحصر في أدوار أقل بكتير جدا من قدراته وسماح أنور بتقول أنا موجودة وأقدر أعمل دور صعب زي ده بالعظمة دي ومحمد شاهين بيتطور بطريقة غير عادية وبقي خلاص واحد من الممثلين التقال اللي وأنت مغمض ممكن تجيبه في أي دور كويس وتبقي متأكد أنه ها يأديه ببراعة وآلاء سنان بتثبت أن دورها في لعبة نيوتن ماكنش مجرد مرة وعدت لاء دي لسه عندها كتير.
واختتم عمر سمير عاطف حديثه كاتبًا: حاجة حلوة بتعلي سقف المنافسة وبتخليك تحس ان فيه أمل وأن إحنا عندنا مواهب حقيقية وعظيمة، طبعا فيه عنصر أخير كان كويس برضه بس أنا مخاصمه فمش ها اتكلم عنه، هايل يا رجالة وفي انتظار الحلقتين اللي جايين بفارغ الصبر.
