مصطفى كامل: مينفعش النقيب يكون ديكتاتوري.. ومش مهمتي أعلم حد الغنا| فيديو
كشف الفنان مصطفى كامل رأيه في مطربي المهرجانات والذي يقدمونه، ورأيه في مصطلح حرية الإبداع، خلال وجوده في نقابة الموسيقيين للترشح لمنصب نقيب الموسيقيين.
وقال مصطفى كامل عن مطربي المهرجانات والإجراءات الذي سيتخذها حال فوزه بالمنصب: إذا قلت هعمل كذا وكذا همارس دور الديكتاتورية، هتشاور مع زملائي وهعتمد على أدوات بحث وهنستدعي ناس وباحثين، وأنا بحب أستشير زملائي وناس لها خبرة وناس من وزارة الثقافة، وحرية الإبداع مكفولة من الدستور شرط عدم الإضرار، فلازم وضع معايير وضوابط مش من مصطفى كامل.
مش مهمتي أعلم حد الغنا
وأضاف مصطفى كامل خلال تقدمه بأوراق ترشحه: إذا التزموا بالضوابط فأهلًا وسهلا بيهم، ومفيش كورسات أنا مش دوري أعلمه، سواء هاني شاكر أو إيمان البحر درويش مفيش حد فينا دخل علم حد غيره الموسيقى أنت داخل تدير مكان عام بمال ومسئولية عامة، أنا معلمتش حد الغنا 4 سنين ولا هاني شاكر ولا إيمان البحر درويش ولا منير الوسيمي.
واستكمل مصطى كامل حديثه: أنا مصيبتي إني راجل صادق لن يأتي هنا رجل يدير المنظومة وحياة الموسيقين هيعملوا الغنا، بيقولوا في ملفات كتير مطروحة وهنبدأ دراستها، لأني كنت مبتعد عن النقابة ولم أعي بكل ملف، وجهة نظري أي مؤسسة في الدنيا أنت بتحقق عوائدها بشرف وبتأتي بانضباط ومنظومة عمل، فهما دول اللي أقدر أعين بيهم حسب شكل إدارة العلمية المالية وعدم وجود أي وسيلة للانبطاح أو الرشوة أو الفساد، إذا أوتي مال الموسيقيين من الشارع المصري وبطرق شرعية.
وأوضح كامل رأيه في أزمة حمو بيكا قائلا: أنا محضرتش الأزمة ومكنش ملفي، وأنا مرشح حتى الآن لو ربنا يريدني أني أكون داخل النقابة حاسبني على حروف الجر، وكل ما يخص أمور النقابة بما فيها حموبيكا وحسن شاكوش تحت مسمى المهرجانات لم أخذ قرارا بمفردي وهكون كده بتغول على سلطة مجلس الإدارة.
وتابع: أزمة حموبيكا أزمة خاصة هو طلع في برامج تلفزيونية وقال إنه أخد منه كذا ومعاه تسجيلات، لو ده طرح أمامي لما كان يمر مرور الكرام، ومقدرش أقول أني بدعمه واللا لأ، وحمو بيكا له مني كل الاحترام زي أي مواطن مصري وهيطرح ملفهم، ومفيش نقيب أبدًا ينفع يكون ديكتاتوري، والنقابة دي لـ أحمد فراد حسن وبليغ حمدي، أم كلثوم ومحمد الموجي.
وقال كامل رأيه في حرية الإبداع: حرية الإبداع هي كلمة ملطوطة، وقبل ما أكون ملحن أو مطرب فـ أنا شاعر صاحب كلمة، ممكن نعمل حاجة دون المستوى ونقول حرية الإبداع، أنا ضد ده واحنا بلد منضبطة، وفي فرق بين حرية الإبداع وأن تتيح الفرصة لحد، وأنا من حقي أني أحمي بلدي أو مهنتي، وأرفض أي حاجة تضر بنتي.
واختتم مصطفى كامل حديثه: بداية المهرجانات من 2013 وبدأها أوكا وأورتيجا جمعتهم وقولتلهم، أنا مش هديكوا كارنيه النقابة وتبقوا زمايلي ولا هقطع رزقكم مقابل هيكون في فترة سماح أشوف اللون اللي بتقدمه.
