ندى كامل لمظهر شاهين: ملكش حق في رد غير لائق عن جسمي
علقت ندى كامل عن أزمتها مع الشيخ مظهر شاهين، عقب تبادل السباب بسبب أزمة زواج المساكنة.
وقالت كامل خلال تصريحاتها لبرنامج الحكاية مع الإعلامي عمرو أديب: أنا لم أتحدث عن المساكنة ولكن كنت أتحدث عن قضية الأديان، الموضوع قضية فكرية إنسانية بحتة، ولكن الشيخ كلمني إني حد مش فاهم في الدين.
وأضافت: شعرت بتنمر وتهجم على شخصي ومقدرتش أمسك نفسي، ولكن لن أدخل في مهاترات مع الشيخ مظهر شاهين أو غيره.
الشيخ مظهر شاهين
وأكملت خلال المداخلة: رد الشيخ عليّا دخلني في دائرة كبيرة أنا مش فيها أصلًا، وحطني في حوار اسمه المساكنة، فيه ناس قالت عني إني ملحدة وكافرة، أنا لا أؤمن بالمساكنة أو طرح الموضوع من الأساس.
واختتمت: انت ملكش حق في رد غير لائق عن جسمي، ده مش شغل عالم دين ده شغل أطباء التجميل، واعتذاره غير مقبول.
رد الشيخ مظهر شاهين، الداعية الإسلامي، على الهجوم الذي شنته ندى كامل طليقة الفنان أحمد الفيشاوي، عليه بعد تصريحاته الذي رفض خلالها فكرة زواج المساكنة ودافع فيها الدين.
مظهر شاهين مهاجما طليقة أحمد الفيشاوي: لو الموضوع مرتبط بشخصي ما ضيعت من وقتي ثانية واحدة
وقال مظهر شاهين إمام وخطيب مسجد عمر مكرم: سبع أمارات للجهل المنتفخ، مضيفا: ردًّا على داعمة المساكنة، وصاحبة بوست عيش إنسانيتك شوية، والتي هاجمت تصريحاتي التي رفضت فيها المساكنة ودافعت فيها عن الدين:
١- لما تقول لهم: عن أن الأرض عليها الآن 3 رسالات سماوية فقط،، فيكون ردهم: إن الأرض عليها 8 مليار بني آدم.
٢- لما تقول لهم: المساكنة حرام، ودعوة إلى الفسق والفجور، فيكون ردهم: عيش إنسانيتك شوية، ومش فاهم أعيشها في الحرام يعني ولا إيه.
٣- لما تقول لهم: الزواج له أركان وشروط لا بد من اكتمالها كي يكون العقد صحيحا، فيكون ردهم: احترموا الخراب والدمار، تلت العالم مش لاقي يأكل، وكأن المساكنة هي اللي هتأكلهم.
٤- لما تقول لهم: إن عبادة البقر والفئران ليست أديانا سماوية، فيكون ردهم: احترموا ريحة الدم شوية، ومش فاهم إيه علاقة ريحة الدم بالبقر.
٥- لما تقول لهم: ريحة البوتكس والفيلر غطت علي ريحة الدم، فيكون ردهم: أنت بترفع المقاسات؟.
٦- لما تقول لهم: ننتظر منكم أن تنفخوا أعداء الأمة وتجعلوهم في مؤخرة الأمم، فيكون ردهم: قوم اتوضى وصلي ركعتين، علي أساس إن وضوئي كده اتنقض ولا إيه مش فاهم.
٧- لما تقول لهم: لقد دمعت عيناي من كلامكم عن النضال من أجل البشرية، فيكون ردهم: ادعو الناس بالحسنى واحترم نفسك وشغلك.
وأضاف مظهر شاهين إمام وخطيب مسجد عمر مكرم: لما تلاقي الردود دي على كلامك ده تأكد من إنك أمام عقلية يملؤها الجهل، وردود ليس لها هدف ولا منطق ولا مرجعية إلا التواجد علي الساحة، والزيطة من أجل الزيطة، وركوب الترند علي حسابك، مضيفا: ولله در القائل: لو أني جادلت ألف عالم لغلبتُهُم ولو أني جادلتُ جاهلا واحدا لغَلَبني.
وأكمل: وللعلم لو الموضوع مرتبط بشخصي ما ضيعت من وقتي ثانية واحدة أرد فيها عليك، لكن لما الموضوع يكون مرتبط بالدين والقيم، لا بد أن نفزع للذود عنهما ضد بتوع المساكنة اللي أنتي عارفاهم، هدانا الله وإياكم.
