وفاء السيد: بعد فيلمي مع الزعيم قعدت 15 سنة في البيت.. ومكنش فيه حد يطلعني من اللي أنا فيه ويبعتلي شغل
كشفت الفنانة وفاء السيد عن سبب غيابها الطويل عن الساحة الفنية، والذي امتد لـ 15 عاما، بعد ما قدمت آخر أعمالها السينمائية مع الزعيم عادل إمام.
وقالت وفاء السيد في تصريحات تلفزيونية: أنا غبت فترة بعد آخر عمل ليا كان مع الزعيم عادل إمام، بعد ما عملت الفيلم معرفش إيه اللي حصل بدل ما اشتغل قعدت في بيتنا، وساعتها كنت بعمل مسرحية اسمها روايح مع الفنانة فيفي عبده، ودخلت قُلت لـ زملائي أنا أستاذ عادل إمام بعتلي وهعمل فيلم معاه، ومن بعدها قعدت في البيت من 2007.
وأضافت: المخرجون اتغيروا ومبقتش عارفة مين بيعمل إيه، واستنيت حد يطلعني من اللي أنا فيه ويبعت لي شغل بردو مفيش، لغاية لما الحمد لله رمضان اللي قبل اللي فات، جالي مسلسل نسل الأغراب.
كما تحدثت عن والدتها الراحلة، معربة عن اشتياقها الكبير لها: والدتي توفت في 2016، كانت بتفرح لما بتشوفني في التلفزيون وكانت السند، كنت بقول لو مشتغلتش مش مهم أنا معايا ماما، كانت الحاجة دي مريحاني جدًا، ولكن الحمد لله.
آخر أعمال وفاء السيد
يعتبر مسلسل نسل الأغراب، هو آخر أعمال الفنانة وفاء السيد، هو مسلسل نسل الأغراب، الذي عُرض في موسم رمضان 2021، وحقق نجاح كبير وقت عرضه.
مسلسل نسل الأغراب
شارك في مسلسل نسل الأغراب، عدد كبير من الفنانين وأبرزهم أحمد السقا، أمير كرارة، دياب، مي عمر، نجلاء بدر، وغيرهم من الفنانين وهو من تأليف وإخراج محمد سامي.
