خالد قمر: حسام حسن قعدني في بيتي 4 شهور وهو سبب رحيلي عن الاتحاد
أكد خالد قمر، لاعب فريق طلائع الجيش الحالي والاتحاد السكندري السابق، أن حسام حسن سبب رحيله عن زعيم الثغر.
وقال خالد قمر، في تصريحات تلفزيونية: الناس كلها كانوا عارفين السبب اللي أنا مشيت بسببه من الاتحاد، وكنت حابب أنهي مسيرتي في الاتحاد، لكن مع حسام حسن قعدت 4 شهور في البيت.
أضاف قمر: جهاز حسام حسن بعت على جروب النادي إن في 5 أسماء وأنا من ضمنهم إني بره حساباتهم، وكلمت أستاذ محمد مصيلحي قولتله أنا حاسس إن هيبقى في مشاكل لو كملت، وأنا مش بتاع مشاكل.
وواصل: حسام حسن عنده رؤية فنية بالنسبة لي وأحترم ده، حتى لما كنت في الزمالك ميدو جابني وفي الآخر حسام حسن معتمدش عليا خاصة في ماتش السوبر ضد الأهلي، والكابتن حسام حسن جه عليا في الزمالك.
وختم حديثه قائلا: أفضل فترة لي من وجهة نظري كانت في الاتحاد السكندري وأنا من الهدافين التاريخيين برصيد 27 هدفا.
انظروا لعبد الله السعيد وطارق حامد
أكد خالد قمر مهاجم فريق طلائع الجيش، أنه يملك طموحا بالتواجد في منتخب مصر الوطني خلال الفترة المقبلة.
وقال خالد قمر في تصريحات تلفزيونية: فيه 4 أو 5 أندية كلموني غير طلائع الجيش لكني استخرت ربنا واختارت الطلائع.
وعن طموحه في التواجد مع منتخب مصر رغم عمره قال: عبد الله السعيد عنده كام سنة وطارق حامد وأحمد حجازي الناس دي كلها كاسرة الـ30 وكلهم في المنتخب، وعندي طموح إني أكون في المنتخب من بوابة نادي طلائع الجيش.
وحول هبوط الجونة قال: اتنازلت عن مستحقاتي للرحيل إلى طلائع الجيش، وحزين لهبوط الجونة ولكني أتمنى لهم التوفيق.
