شقيقة الشيف غريق نيل الأقصر: بنادي عليه عشان جثته تطلع على المياه.. عاوزين نكرمه بالدفن
واصل رجال الإنقاذ النهري لليوم الخامس على التوالي جهود البحث عن جثة الشاب عمر حسني يوسف محمد، بنيل الأقصر، والذي كان يعمل شيف على إحدى المراكب العائمة بنيل الأقصر والتي كانت في مرساها بمنطقة العوامية بوسط مدينة الأقصر.
أحداث الواقعة
تبدأ الواقعة عندما خرج الشيف عمر حسني يوسف، في وقت راحته أعلى المركب ( الفندق العائم) للتدخين، لتنزلق قدمه ويسقط في النيل، ليغرق في الحال حيث أنه لا يجيد السباحة، ويبحث عنه أصدقائه في العمل ولا يجدون له أثر.
غرق شيف بالأقصر
وتقول ياسمين، شقيقة الشيف عمر في تصريحات خاصة للقاهرة 24، تعبنا لينا 5 أيام بندور في النيل، واستعننا بـ4 غطاسين من رأس غارب، جبناهم مخصوص على حسابنا عشان يساعدوا في عملية البحث، وأمي بتنهار قدامي.
وتواصل ياسمين لـ لقاهرة 24: بنطلع كل يوم من الساعة 8 صباحا مع الغطاسين حتى الساعة 12 بالليل لغاية ما نرجع، وإحنا بندور في النيل على المركب بنادي على أخونا عشان يطلع، والغطاسين تحت في النيل بيدوروا.
حملات الإنقاذ
ويقول محمد حجاج، خال الشيف عمر، بصراحة محدش مقصر سواء الشركة اللي بتحاول تلبي طلباتنا، والمسطحات عملوا اللي يقدروا عليه، بعد تالت يوم من الغطس تحت النيل، قالوا لنا كده هيبقى بحثنا تمشيط سطحي، والموضوع عاوز مساعدة بإمكانيات ومجهود أكبر.
إكرام الميت دفنه
ويواصل حجاج حديثة لـ القاهرة24 إحنا أجرّنا 4 غطاسين على حسابنا ودورنا من جزيرة جبر في قامولا ومسحنا الشط الشرقي والغربي وتحت العوامات والمرسى بالكامل، وإحنا مش عاوزين حاجة غير نرجع بجثة عمر عشان نكرمه، لأن إكرام الميت دفنه.
