عفاف شعيب بعد شكوتها من قلة الاستيراد: ملابس الألمان مظبوطة.. وماتكلمتش على اللي بيشتروا فستان بمليون جنيه
ردت الفنانة عفاف شعيب، على الانتقادات التي تعرضت لها بعد تصريحاتها الأخيرة بشأن أنها لا تشتري ملابسها إلا من ألمانيا.
وقالت عفاف شعيب في تصريحات تلفزيونية: أكيد بزعل من الهجوم، ليه كده؟ راعوا شعور الناس وبلاش تشيلوا ذنوب، روحوا سبحوا أو اقرأوا قرآن، اللي بيخاف ربنا ميؤذيش مشاعر الناس.
وأضافت عفاف أن حديثها عن الأمر كان بصدق شديد، وخاصة أنها لا تقول إلا ما يرضي الله، معقبة: قلت بجيب لبسي كله من بره لما كنت بسافر بره، ليه ماتكلمتوش على اللي بيجيبوا فستان بمليون جنيه، مقاسات اللبس الألماني مظبوطة عليا وشكله شيك ومحترم.
وتابعت عفاف أنها اشترت في السابق منتجات محلية، لكنها لم تصمد لمدة يومين، مناشدة الاهتمام بالصناعة المصرية في الداخل، كالاهتمام بالملابس المصدرة إلى الدول الأخرى، كالولايات المتحدة الأمريكية.
وتابعت: الألمان مقاساتهم مضبوطة، الملابس من أول لبسة بتكون مضبوطة عليا، وساعات ألف محلات مصر مبلاقيش الحاجة المناسبة.. واللي بيهاجموني ناس فاضية ومعندهاش ضمير وحسابهم في الآخرة عسير.
عفاف شعيب تعاني من قفل الاستيراد
وكانت تحدثت عفاف شعيب على سر اهتمامها بمظهرها في تصريحات تلفزيونية مؤخرًا، حيث أوضحت: مش كل الموديلات بتناسبنا كمحجبات ومظلومين، وأنا لأني كنت بسافر كتير فلبسي كله من بره، دلوقتي مفيش استيراد وبقيت في حوسة، وفي محل كنت بتعامل معاه من زمان وكنت باخد منه لبس بالهبل وكل البدل المستوردة من ألمانيا.
