وفاء مكي: رفضت التعاون مع محمد رمضان لأن الأجر معجبنيش.. والفلوس لازم تستاهل أضحي عشانها

كشفت الفنانة وفاء مكي سبب ابتعادها عن التمثيل مؤخرًا، مشيرة إلى أنها رفضت التعاون مع الفنان محمد رمضان بسبب الأجر. 

وقالت وفاء مكي في تصريحات تلفزيونية: ابتعدت عن التمثيل لأني كنت بربي ابني عمر بعد وفاة زوجي.. ولكن أنا محتاجة التمثيل برده لأن ظروف الحياة الاقتصادية أصبحت صعبة، وعندي ابن محتاج فلوس ولكن الأجر حاليا مش على قد مستوايا وتاريخي.

وواصلت وفاء مكي: كنت هتعاون مع محمد رمضان في فيلم جديد من أسبوعين، ولكن الأجر كان قليل ورفضت لأني ممثلة قديمة ومش لسه حد هيكتشفني.. ولو هنزل أشتغل وأتعب وأتفرغ لازم الفلوس تكون تستاهل أضحي عشانها من وقتي.

وأضافت وفاء مكي: زمان كنت النجمة الأعلى أجرًا وكان ساعتها 5000 جنيه وكنت دائمًا أعلى نسبة بيع وتوزيع في المجلات والجرائد، وزمان مكنش فيه الأجور العالية والملايين اللي بتتاخد دلوقتي، ومع ذلك أنا معنديش ثروة من التسعينيات ومعملتش حاجة بالفلوس.. وبقول ياريتني اتجوزت  وقعدت في البيت وحد يصرف عليا.

وفاء مكي: اتعرض عليا ملايين مقابل إني أسيب التمثيل

واستكملت وفاء مكي: عندي معجبين كتير والرجالة كانوا بيتخانقوا عليا.. وفيه شخصيات كبار عرضوا عليا الزواج وملايين مقابل إني  أسيب مجال التمثيل، ولكن أنا رفضت لأني كنت مركزة في شغلي ومستقبلي، لدرجة كان عندي معجب كل يوم يجيلي تحت البيت وبقيت أخاف منه، ودلوقتي ندمانة لأن فلوس التمثيل معملتش بيها حاجة.

بعد سجنها لتعذيب خادمتين.. وفاء مكي: ربنا له حكمة في اللي حصلي