باقي 4.5 مليون جنيه لجمع ثمن الحقنة.. هاشتاج أنقذوا سيلين يتصدر تويتر بعد تدهور حالتها الصحية
تصدر هاشتاج أنقذوا سيلين موقع التغريدات القصيرة تويتر، في محاولة لجمع مبلغ حقنة الضمور العضلي الأغلى في العالم.
4.5 مليون جنيه لجمع مبلغ الحقنة
وأكدت الصفحة المسئولة عن جمع التبرعات للطفلة سيلين أيمن، مريضة الضمور العضلي، أنه يتبقى مبلغ 4.5 مليون جنيه فقط لإنقاذ حياة الطفلة وجمع مبلغ الحقنة الأغلى في العالم.
وقال المسئولون عن حملة التبرعات: سيلين وصلت للمرحلة اللي كنا خايفين منها، واللي الدكاترة حذروا منها.. قفص سيلين الصدري بقى في حالة ارتخاء شديدة، أهلها في محنة كبيرة وهما شايفين بنتهم بتتألم ومفيش حاجة في إيدهم إلا الدعاء لها.
أنقذوا سيلين يتصدر تريند تويتر
وكتبت إحدى المستخدمات عبر تويتر: ارحموا قلة حيلتها وركزوا على نظرة عينيها وانتوا هتعرفوا كل القصة، وقال آخر: والله والله ماهينقص من مالك شيء وبإذن الله هيعوضك أضعاف، البنت حالتها بقت صعبة جدا واليوم بيفرق، أرجوكم أنقذوها.
وفي وقت سابق، كشفت رضوى حمدي، آخر التطورات الصحية، لطفلتها سيلين، قائلة: إن حالتها الصحية تدهورت بشدة، وهي في حاجة شديدة للحصول على الحقنة الأغلى في العالم.
وأضافت والدة الطفلة في تصريحات خاصة لـ القاهرة 24: سيلين جالها التهاب رئوي، واحتجزت كام ساعة في المستشفى، وفضلت على جهاز تنفس.. مكنتش عارفة تتنفس لأن المرض بيأثر على التنفس بشكل كبير، وضهرها هو السبب، لأن ضهرها بقى متقوس، وده مأثر على الرئة.
وتابعت خلال حديثها مع القاهرة 24: عشان كل ده يتعالج محتاجة الحقنة في أسرع وقت خلال الفترة دي بأسرع ما يمكن، عشان تتلحق، وسيلين بقى عندها سنة و3 شهور، وحالتها في تدهور مستمر.
وأكملت: سيلين حالتها متدهورة جدًا، ومحجوزة في المستشفى، وكل يوم من سيئ لأسوأ، ومحتاجة علاجها في أسرع وقت قبل ما تدهور أكتر.
