سلوى خطاب عن عدم إنجابها: كنت حاسة لو خلفت في المجتمع ده هتعب
كشفت الفنانة سلوى خطاب، عن سبب عدم إنجابها الأطفال، مشيرة إلى إنه هناك العديد من الأشياء في المجتمع لا تعجبها، كما إنها لا تعترف بأساليب التربية الحديثة.
وقالت سلوى خطاب، في تصريحات تلفزيونية: طبعًا دي حاجة بتاعة ربنا وهو أدرى بيا، ولكن أنا كنت حاسة إن المجتمع ده لو خلفت فيه هتعب، أنا مش فاهمة يعني إيه تربية حديثة وعيال يقرفوني ويقولوا لأ مش هنعمل كذا، لأ شنطة هدومك يا حبيبي وروح المكان اللي إنت عايزه وأخلص، أنا أجيب ناس تتعبني ليه؟ يعني هربيهم كويس ويطلعوا للمجتمع ويسمعوا أنتش وأجري؟.
كما تحدثت سلوى خطاب، عن المرأة المصرية قائلة: الست كل صفاتها حلوة، والست المصرية حنونة وبتاخد بالها من ولادها وبتتفانى وكلمة صغيرة تخليها طايرة من السعادة، والراجل الذكي هو اللي يعرف يسعد الست اللي معاه عشان هو يتسعد.
وأضافت: الراجل لو كلم الست في وسط النهار وقالها وحشتيني هتعيش عليها شهر مبسوطة، ولما بيبدأ الراجل بالكلام بتبقى حلوة لأن الست خجولة ده لو لسه فيه ست خجولة يعني، هتبقى سعيدة وصدقيني هتتمرمط في البيت.
سلوى خطاب
وكانت الفنانة سلوى خطاب، حريصة خلال فترة زواجها على الاهتمام بزوجها قد الإمكان، قائلة: أنا دفعت ثمن جوازي وكنت حريصة أبقى زوجة كويسة بغض النظر عن تعبي في مهنتي، وكنت بحضر الأكل لـ جوزي وهو كان يستاهل الاهتمام دا، بس أنا مقتنعة أن مينفعش ندلع الراجل زيادة عن اللزوم ومفيش حاجة اسمها الراجل لازم يوري مراته العين الحمرا لأننا بني آدمين.
