إحسان ترك: الحياة فرضت عليَ العمل في مجال السيارات
قال الفنان إحسان ترك، إن الحياة فرضت عليه العمل في مجال السيارات، ولكن ما تربى عليه في الخارج لم يجده في مصر.
وأضاف ترك، أن الحنين يأتي به إلى مصر، متابعا: إحنا جيل عبد الناصر رغم إنه مات وأنا صغير.
وعن صورة الفنان أحمد زكي قال: رجل جميل وحبيب قلبي واشتغلت معاه، وهو فنان بمعنى كلمة فنان ويتقمص الشخصية، ربنا يرحمه، وعن صورة الفنان محمود ياسين قال: اشتغلت معاه وكان حبيبي، وكفاية نبرة صوته.
إحسان ترك: محمد رمضان زي ابني وأخويا الصغير
وعن مهاجمة محمد رمضان للفنانين، أوضح إحسان ترك: أنا عملت معاه 4 أعمال، وكل واحد بيتصرف اللي هو عايزه إحنا كدة في الوسط، أنا مش مغلطه دي قامات مينفعش نغلطها ولا نقرب لها لو هنقرب يبقى بكلمة طيبة، محمد رمضان مقلش حاجة قدامي.
وأكد أن محمد رمضان شخصية ومحمد سعد شخصية أخرى، متابعا: لو عرض عليا شغل هاختار الاثنين، محمد رمضان زي ابني أو أخويا الصغير.
قال الفنان إحسان ترك، خلال لقائه مع الإعلامي رمضان رفيع، في برنامج يلا نحلم، إنه يتمنى العمل مع الفنان عادل إمام، قائلا: راجل جميل جدا وعسل بمعنى الكلمة في اللوكيشن واشتغلت معاه 3 أعمال وكان قمة في الرقي في التعامل والميزة اللي فيه إنه عارف كل واحد باسمه حتى لو كانوا موديلز.
