متابعة تطلب سيارة هدية من بدرية طلبة.. والفنانة ساخرة: أنا مش علاء الدين
سخرت الفنانة بدرية طلبة، من أحد متابعيها، عندما طلبت منها؛ شراء سيارة لها للذهاب إلى الجامعة، مؤكدةً أنها ليست علاء الدين، لتحقيق الأحلام.
وشاركت بدرية طلبة متابعيها، رسالة تلقتها من إحدى المتابعات جاء فيها: أنا نفسي يكون عندي عربية أروح بيها الجامعة حتى لو عربية مُستعملة.. ده حلمي.. ممكن تساعديني.. حلمي من زمان أروح الجامعة بعربيتي.
وعلقت بدرية طلبة على المنشور، قائلة: بتجيلي طلبات تدهشني زي مثلا.. واحدة طلبت 15 مليون تسددهم للبنك، لأنها واخدة قروض هي وإخواتها يعملوا مشروع، والمشروع فشل، وخسروا فلوسهم، والبنك أخد حُكم عليهم.
وتابعت بدرية طلبة: التمست لها العذر، لأنها غرقانة والغرقان بيدور على قشاية زي ما بيقولوا، وطبعا أنا ولا رديت عليها، لأن اللي يفك كرب حد مش حيفكه بالرقم دا.
واستكملت بدرية طلبة حديثها قائلة: دا لو كان معايا أصلًا.. لكن واحدة زي دي لما تطلب طلب زي ده.. هنا بقي الاندهاش زاد جدًا.. عربية أيه حضرتك.. حضرتك أنا بدرية طلبة مش توكيل هوندا.
تصريحات بدرية طلبة
كما مازحت بدرية طلبة جُمهورها في التعليقات عبر فيسبوك، إذ قالت: أنا بدرية طلبة مش علاء الدين.. أنا راضية أنها تكون مستعملة أنا معترضتش.
