كارمن سليمان: الراجل ميتجوزش قبل سن الـ 30.. ولم أؤيد الزواج المبكر
حلت الفنانة كارمن سليمان ضيفة في برنامج AB talks، وتحدثت عن زواجها المبكر، مشيرة إلى أنها تزوجت في سن الـ 22.
وقالت كارمن سليمان، خلال حوارها مع أنس بوخش: اتجوزت بدري وأنا عندي 22 سنة كنت طفلة شوية، وميزة الموضوع ده إن مفيش فرق كبير بيني وبين زين ابني.
وأضافت كارمن سليمان: بشوف إن الجواز لازم يكون في سن الـ 26 أو 27 سنة، والراجل ميتجوزش قبل سن الـ 30، ومش بأيد الزواج المبكر.
وعن حياتها العملية في الغناء، أوضحت كارمن سليمان: حصلت حاجات كتير صعبة، عشان متعودة من وأنا صغيرة كل حاجه تتعملي مش متعودة اعتمد على نفسي أوي فحصلي حاجات معرفتش أتصرف فيها، ومحتارة وخايفة لأن المجال صعب.
آخر أغاني كارمن سليمان
وقدمت كارمن سليمان تتر مسلسل أعمل إيه؟ بطولة الفنانة صابرين وخالد الصاوي، والذي يعرض الآن على قناة DMC، والعمل من بطولة نور إيهاب، هناء الشوربجي، طارق عبد العزيز، نهال عنبر، دنيا المصري، وعدد آخر من الفنانين، والمسلسل من تأليف محمد الحناوي وإخراج أحمد عبد الحميد.
وتعد آخر أغانيها التي قدمتها هي أغنية لمعلوماتك وهي من كلمات: أحمد سرور وألحان: مصطفى جاد وتوزيع: جلال الحمداوي، وجاءت كلمات الأغنية كـ الآتي: سبحان الله في إيه اتغير من يوم ما قابلتك والدنيا احلوت أكتر، طب الباب مفتوح ببساطة اتفضل، سيرتك سبقاك مش محتاجة أستنى ولا أسأل، ومش داخلة معاك في تفاصيل متقاله ومتعادة كتير، أنا واحدة من غيرها لا يمكن هتعيش حياتك وهتتعب لو مش عامل كل ترتيباتك، لو كان دا رهان ف إنت اللي كسبته.
