كارمن سليمان: بحب الشهرة واتعلمت ازاي مخليهاش تخنقني..وبتدي الحق لناس مش كويسة تتدخل في حياتك
تحدثت الفنانة كارمن سليمان عن كيفية تعاملها مع الشهرة وتأثيرها عليها وعلى حياتها ماهي عيربها بالنسبة لها.
كارمن سليمان تتحدث عن حياتها في الشهرة
قالت كارمن سليمان خلال لقائها مع أنس بوخش: بحب الشهرة واتعلمت ازاي مخليهاش تخنقني لأن الشهرة كانت بتخنقني قبل كدة لما الاقي ناس كتيرة جاية تتصور معايا كنت أوقات بحس إني اتخنقت وبسبب كده في ناس بتشوفني تنكة أو مغرورة.
وأضافت الفنانة كارمن سليمان:لحد ما توصلت في الأخر لإني عادي هخرج في الأماكن اللي انا عايزاها وأي حد في الدنيا هييجي يتصور معيايا هتصور وأنا مبتسمة مهما كان عندي من مشاكل في حياتي وابتديت أحب لما حد ييجي يتصور معايا لأن في الأول ما كنتش بحب ده ولأني لقيت بعد كده لما ناس بتيجي تتصور معايا كانت بتقولي: أنا بحب أغانيكي ووبحبك أنتي شخصيا وبحب ان انتي طبيعية وكلام حلو كتير زي كده فبقيت بتبسط ودي كانت المشكلة الوحةدو بالنسبالي في الشهرة وفي عيب آخر في الشهرة أنها بتدي الحق لناس مش كويسة في أنها تتدخل في حياتك أو تحكم عليك ده بنشوفه أكتر على السوشيال ميديا.
آخر أعمال كارمن سليمان
يذكر أن من آخر أعمال الفنانة كارمن سليمان تقديمها لتتر مسلسل أعمل إيه؟ بطولة الفنانة صابرين وخالد الصاوي، والذي يعرض الآن على قناة Dmc، ويشارك في العمل العديد من الفنانين بجانب صابرين وخالد الصاوي منهم نور إيهاب، هناء الشوربجي، طارق عبد العزيز، نهال عنبر، دنيا المصري، وعدد آخر من الفنانين، والمسلسل من تأليف محمد الحناوي وإخراج أحمد عبد الحميد.
