أحمد موسى: دعوات التظاهر لـ 11/11 فنكوش.. ومحدش من الشعب هينزل مع الإخوان
قال الإعلامي أحمد موسى، إن دعوات التظاهر لـ 11/11 ما هي إلا فنكوش، مضيفًا: 11/11 هتعدي زي باقي الأيام، العالم كله بيحافظ على بلده مش عجب عندنا عايزينا يخربوا بلدنا.
الشعب المصري واعي
أضاف موسى، خلال تقديم برنامج على مسئوليتي المذاع عبر قناة صدى البلد: الشعب المصري واعي وهيعرف يتصدى للإخوان الإرهابية، احنا بنقول فيه مصاعب وزيادات آه بس رغم كده الشعب هيقف مع بلده ضد الإرهابيين.
تابع أحمد موسى: دي جماعة إخوانية إرهابية اللي عايزين يتظاهروا مش الشعب المصري، إحنا دفنا الإخوان من زمان.. جماعة الإخوان بتعيد فيديوهات قديمة من 2011 لإعادة الفوضى في مصر.
يتم كشف الخلايا النائمة لجماعة الإخوان
أكمل الإعلامي أحمد موسى: يتم كشف الخلايا النائمة لجماعة الإخوان الإرهابية إذا فكروا في إثارة الفوضى.. مفيش مواطن شريف بيحب مصر هينزل مع جماعة الإخوان.
واستطرد: المواطن مش هيدفع كهرباء زيادة لمدة عام، ووزير البترول تكلم عن أسطوانة البوتاجاز؛ حيث كان المفروض وجود زيادة 10%؛ بسبب وصول أسعار برميل البترول لـ 100 دولار؛ وتم إرجاء زيادة أسعار المحروقات والبنزين لمدة 3 أشهر.
