بعد مرور 20 يوما على استكمال المبلغ.. والدة سيلين طفلة الضمور العضلي: محجوزة في المستشفى ومستنية الحقنة
قالت رضوى حمدي، والدة الطفلة سيلين أيمن، المصابة بالضمور العضلي الشوكي، إنه تم جمع مبلغ 40 مليون جنيه، لشراء الحقنة الأغلى في العالم، لعلاج طفلتها، إلا أنها حتى الآن وبعد مرور 20 يوما لم تحصل الصغيرة على الحقنة.
وأضافت في تصريحات خاصة لـ القاهرة 24: سيلين في العزل، وحالتها مستقرة، ومستنية في أي وقت تاخد الحقنة.
سيلين في انتظار الحقنة
وواصلت الأم: سيلين معزولة في أوضة، وأنا بس معاها، وحالتها الصحية مستقرة.
ادعولها بالخير
وأضافت حمدي: مش عارفين الحقنة هتوصل إمتى، لكن في انتظارها بالمستشفى، مطالبة المصريين باستكمال الدعوات لها قائلة: دعواتكم ليها بالخير إن شاء الله.
وفي منتصف شهر أكتوبر الماضي، تمكنت حملة التبرع للطفلة سيلين أيمن، المصابة بالضمور العضلي الشوكي، من جمع مبلغ 40 مليون جنيه، لشراء الحقنة الأغلى في العالم.
وشارك في حملة التبرع العديد من نجوم الفن والمشاهير، حتى تصدر اسم سيلين تويتر أكثر من مرة، بهاشتاج أنقذوا سيلين.
وتدهورت الحالة الصحية للطفلة سيلين خلال الشهر الماضي، وقالت رضوى في تصريحات خاصة لـ القاهرة 24: سيلين حالتها متدهورة جدًا، ومحجوزة في المستشفى، وكل يوم من سيئ لأسوأ، ومحتاجة علاجها في أسرع وقت قبل ما حالتها تتدهور أكتر.
وأكدت: الدكاترة قالوا إن حاليًا مفيش التهاب رئوي الحمد لله، لكن بيحافظوا جدًا على نفسها، عشان شروط الحقنة، أنها تاخدها وهي صحتها كويسة، ومتكونش على جهاز تنفس.
وأوضحت رضوى: ممكن تعمل جلسة كل يومين، والدكاترة كلهم متابعين حالتها يوم بيوم عشان يحافظوا على استقرار حالتها شوية، لكن للأسف كل يوم من سيئ لأسوأ.
