بعد انتقاد تصريحاته عن المحجبات.. شريف مدكور: المحجبة مش حرة
ردّ الإعلامي شريف مدكور على الانتقادات التي تعرض لها بسبب تصريحاته عن المحجبات والشروط التي يضعها لهن في برنامجه، بعدما صرح بأنه يلزم السيدات المحجبات اللاتي يظهرن في برنامجه بارتداء زي معين، وهو الأمر الذي جعله يتصدر محركات البحث على جوجل وموقع التدوينات القصيرة تويتر.
وقال شريف مدكور لـ القاهرة 24: المحجبة مش حرة وليها زي خاص لأنها اختارت تلتزم ليه تلبس ضيق؟، والناس التانية أحرار لأنهم ما اختاروش يتحجبوا، وأنا ماليش دعوة بالمحجبات.
وأضاف: مش معنى كده إني ملتزم أنا لابس دبلة دهب وبجيب رقاصة في عيد ميلادي وشخص غير ملتزم، لكن اللي قررت تتحجب قررت تلتزم، واختارت لبس السيدة الملتزمة، والناس دخلوا المواضيع في بعض وافتكروا أني بعمل كده علشان ملتزم.
وكان شريف مدكور شارك جمهوره بمقطع فيديو كشف من خلاله أنه يضع شروطًا للمحجبات اللاتي يظهرن في برنامجه، لافتًا إلى أنه يرفض أن تظهر أي فتاة محجبة في برنامج وترتدي ملابس تصف جسمها أو ملابس ضيقة.
وتضمنت الشروط التي وضعها شريف مدكور الآتي: لازم تكون لابسة ما لا يصف ولا يشف، وأي سيدة محجبة هتظهر عندي لازم تكون لابسة فضفاض وألوان مش صاخبة وبنطلون واسع، وصدرها مايكنش واضح آسف في اللفظ فخادها مش المفروض تبقى متفسرة، مستكملًا: بقيت ألاحظ إن في ضيوف محجبات لابسين طرحة وبادي وهما ممتلئات شوية وكل جسمهم متفصل، وأنا بعرض صورة لمصر والمصريين وده ما ينفعش يظهر في برنامجي.
