شرف عظيم ليا.. أول تعليق من شريف منير بعد مشاركته في مؤتمر المنصورة الجديدة
علق الفنان شريف منير، على مشاركته في مؤتمر افتتاح المرحلة الأولى لمشروعات مدينة المنصورة الجديدة، بحضور الرئيس عبد الفتاح السيسي، والذي أقيم اليوم الخميس.
ونشر شريف منير، مقطع فيديو من كلمته في المؤتمر، عبر حسابه الشخصي بموقع انستجرام، وعلق قائلًا: كان شرف عظيم ليا.. تحيا مصر.
وفي سياق متصل، قال شريف منير خلال حضوره المؤتمر: الفيلم التسجيلي اللي اتذاع اتقال بصوتي والإنجازات دائما واضحة مش هنتكلم تاني عن الإنجازات اللي مالية مصر كلها.. حاجات اتعملت في لمح البصر.. ياريس أنا كل يوم بقوم بلاقي بلدنا متغيرة أروح مشوار وأرجع ألاقي الدنيا متغيرة والله.
وأوضح شريف منير: أنا من سكان حي المقطم، المقطم بقى حاجة تانية مابقاش حي أصبح مدينة في منتهي الروعة، أحكي ليكم نبذة عن حياتي وعلاقتي بمدينة المنصورة،أنا اتولدت في المنصورة وحبيت الفن في المنصورة بلد عظيمة وناسها حلوين.
وتابع شريف منير: روحت مركز ثقافة مدرسة المشاغبين مسرحية اتفرجت عليها قبل ما شوفها في التلفزيون أو على المسرح.. ابن خالتي خدني نروح نتفرج على العروض ونستمتع بها، الآلة اللي بحبها واللي احترفتها في وقت من الأوقات حبيتها من المنصورة.
واختتم شريف منير: كان أبناء المنصورة بيعملوا فرق أغاني إنجليزي وفرنساوي، بلد جميلة وعظيمة جيت هنا سنتين ونص علشان أعمل إعلان شفته عن المنصورة الجديدة، مكنش في الكلام ده أنا معرفش الكلام ده حصل إمتى بجد شيء مبهر.
