بدعي ربنا ألبس الحجاب.. حورية فرغلي تريند جوجل بعد حوارها مع القاهرة 24
تصدرت الفنانة حورية فرغلي تريند جوجل، بعد حوارها مع القاهرة 24، إذ كشفت تطورات وضعها الصحي، إلى جانب حديثها عن الجانب العاطفي في حياتها والعديد من الأمور الأخرى.
ويرصد القاهرة 24 في السطور التالية أبرز تصريحات حورية فرغلي في حوارها مع القاهرة 24:
تحدثت الفنانة حورية فرغلي عن تطورات وضعها الصحي، مشيرة إلى أنها استردت حاستي الشم والتذوق ولكن يتبقى لها عملية واحدة ستجريها في الصيف المقبل بشيكاغو.
حورية فرغلي: مبقاش عندي عضم في القفص الصدري
وأثارت حورية فرغلي تعاطف الجمهور معها بعد حديثها عن خلو القفص الصدري لديها من العظام بعد خضوعها لـ 27 عملية في الأنف، قائلة: خلاص مبقاش عندي عضم في القفص الصدري علشان أحطه في مناخيري، والحمد لله إني بقيت أشم وأتذوق، راضية حاليًا بشكلي، ووصلت لحالة من الصفاء، واللي عاجبه عاجبه واللي مش عاجبه يغير المحطة.
حورية فرغلي: مش بيتعرض عليا أعمال كتير لأني مليش علاقات في الوسط
كما كشفت حورية فرغلي سبب عدم مشاركتها في الكثير من الأعمال ووجودها بقوة على الساحة، قائلة: مش بيتعرض عليا أعمال كتير زي الأول، لأن أنا مشكلتي إني ماليش علاقات في الوسط، وماحدش بيعزمني في أفراح.
كما تحدثت حورية فرغلي عن سبب عدم تواجدها في المهرجانات الفنية، مشيرة إلى أنه في السنوات الأخيرة لا يتم دعوتها لحضور مهرجان القاهرة، مضيفة: مش بحب أروح المهرجانات إلا لو عندي فيلم أو رايحة أتفرج على حاجة، وكنت أتمنى طبعًا أحضر مهرجان القاهرة السينمائي لكن ما جتليش دعوة.
كما تطرقت حورية فرغلي، للحديث عن تعاطفها مع الفنانة ميرفت أمين بعد التنمر الذي تعرضت له، بسببب انتشار صورة لها بدت فيها بملامح أكبر سنًا، قائلة: أكتر حد شعر بيها، وأحب أقول للناس إن الشكل أو السن عامة هما الحاجة الوحيدة اللي ما نقدرش نهرب منها، لكن البني آدم من جوه بيفضل زي ما هو، وجماله الداخلي بيظهر على وشه، وهي مرت بظروف وقاسية وصحابها الأنتيم ماتوا وبقت لوحدها.
حورية فرغلي: أنا مش بتعرض غير للظلم في حياتي
كما تحدثت حورية فرغلي عن مرورها بالعديد من الأزمات في حياتها، قائلة: أنا مش بتعرض غير للظلم في حياتي، في العمليات والمرض، والناس اللي بطلت تكلمني وتشغلني، ومحدش هامُّه بمثّل كويس ولا لأ، لكنهم شبهوني بمايكل جاكسون وقالوا مناخيرها شبه أبو الهول، وحطوا صورتي أنا وأبو الهول وقالوا ما الفرق، رغم إن حاجة تشرفني إنهم يشبهوني به.
حورية فرغلي: نفسي أعيش قصة حب لكن محدش بيتقدم لي
وعن جانب الحب في حياتها، قالت: أنا ماتجوزتش وماخلفتش ونفسي أعيش قصة حب، لكن محدش بيتقدم لي، وأنا أهم حاجة عندي الإنسان من جوه، وعمري ما فكرت في شكله، لكن الأهم يكون قلبه كويس ويراعي ربنا فيا ومايخوّنيش.
حورية فرغلي: بدعي ربنا إنه يديني القدرة على الحجاب
وصرحت حورية فرغلي أنها تتمنى ارتداء الحجاب، قائلة: حجيت 7 مرات وعلاقتي بربنا كويسة ومش بسيب الصلاة، وبدعي ربنا إنه يديني القدرة على الحجاب لأن نفسي فيه.
واستكملت: أنا ماعنديش عيلة ولا زوج ولا أولاد أنشغل بيهم، ولا أنا كملت اللي نفسي فيه في التمثيل ولا اللي نفسي فيه في الدنيا، أنا في النص مش عارفة أكمل اللي عاوزاه في التمثيل ولا عارفة أعيش حياتي، وأتمنى من ربنا إنه يقول لي هيحصل إيه.. هل هكمل في التمثيل وهقدم كل الأدوار اللي بتمناها ولا هقابل شريك حياتي اللي مش هيهمه مناخيري بايظة ولا لأ، ولا هيهمه أنا حلوة ولا وحشة.
