شريف منير: البركة في الإحساس بفقدان الناس بقيت قليلة ووقت الحزن بقي ساعات
أعرب الفنان شريف منير عن استيائه من السرعة وقلة شعور الناس بالأحزان، مشيرًا إلى أن حزن الناس أصبح يومين على المتوفي.
وقال شريف منير خلال ندوته في القاهرة 24: دلوقتي الحزن بقى يومين حتى أهل الميت، البركة في الإحساس بفقدان الشخص قلت، وقت الحزن بقى ساعات، احنا كان بيبقى عندنا أيام وأسابيع، والولاد الشباب في الشارع كانوا بيخبوا السجارة لو شافوا والدي.
وتابع شريف: والأولاد اليومين دول لما يدخل أبوهم عليهم في البيت بيحطوا رجل على رجل، هيحصلكوا إيه لو نزلتوا رجلكوا، هو ده الاحترام، قل أدبك براحتك بره، إيه اللي هيقرفك في إنك تنزل رجلك وتقعد عدل قدام والدك.
أعمال شريف منير
يُعرض حاليًا لـ شريف منير، مسلسل إيجار قديم على شاشة قناة on ومنصة watch it، ويتناول من خلالها أزمة الإيجار القديم والعديد من المشاكل الأسرية داخل عمارة واحدة.
يشارك في مسلسل إيجار قديم العديد من الفنانين مع شريف منير، منهم: صلاح عبد الله، فيدرا، محمد الشرنوبي، هشام إسماعيل، ميمي جمال، حازم سمير، رحمة حسن، بسمة داود، إلهام وجدي، أحمد أبو زيد، رانيا عبد المنصف، والمسلسل من تأليف عمرو الدالي، وتحت قيادة المخرج طارق رفعت.
