شريف منير: بيتقال لي لم لحمك على السوشيال ميديا.. وبقيت مستهدف طول الوقت
رد الفنان شريف منير، على الانتقادات الذي يتعرض لها على السوشيال ميديا مؤخرًا بسبب ملابس بناته، مؤكدًا أن السوشيال ميديا أصبحت فضيحة للجميع.
وقال شريف منير خلال ندوة القاهرة 24: بيتقال لي لم لحمك على السوشيال ميديا.. وأولًا أنا بنتي أسما بنت كبيرة مش صغيرة.. يعني واحدة مسوؤلة ومخلفة وصحيح بتحترم كلامي جدًا لغاية النهاردة بس هي عندها دماغ معينة، ولما بلاقي حاجة وحشة بعترض وبزعل لأن أنا ليس شخص نموذجي ولدي أخطاء بالتأكيد.
وتابع شريف منير: أنا بحاول قدر الأماكن اعرفهم أن في مباديء، ومش بطلب منهم أنهم يمشوا بخيمة يعني.. لأ يلبسوا بشكل لطيف ومعقول عشان مضايقش حد، وأي حاجة بيعملوها بتشتم أنا على السوشيال ميديا.
وعن رأيه في السوشيال ميديا، أوضح شريف منير: هدفها الدخول في حياة الناس، وكمان الموبيلات أصبح فيها خاصية كلامك بيبقى مسموع في أي وقت.
وأضاف شريف منير: أنا محذرعلى بناتي ميدخلوش الحمام بالموبايلات ويبعدوا عنها لما يجوا يلبسوا، وحطيت استيكر على كاميرا الأيباد عندي، لأني أصبحت بقيت مستهدف طول الوقت، بجانب ظهور برامج حاليا بتقول كلام مختلف على لسانك.. أنت متعرفش عنه حاجة ولا اتقال ومن هنا بتطلع الشائعات.. السوشيال ميديا فضيحة وربنا اسمه الستار.
واختتم شريف منير، قائلا: نقطة مصطلح التريند معرفش إيه الاستفادة منه.. أنا كسبت إيه منه أنا معروف مش مستني أعمل حاجة عشان اتعرف.. اللي بيعملوا ضجة هما اللى محتاجين.
