شمس: أنا بعمل إغراء شيك في سياق الدراما.. ولبست كاش مايوه بدل قميص نوم احترامًا لعائلتي
كشفت الفنانة شمس؛ إمكانية تقديمها لأدوار الإغراء، مؤكدة أنها لم تقدم إغراءً من قبل، ولكنها ستقدمه بطريقتها الخاصة، بجانب الحديث عن الفرق بين الإسفاف والإغراء الشيك، حسبما وصفته.
وقالت شمس لـ القاهرة 24: أنا معنديش أي عمل فيه إغراء وفيلم ثقافي مكانش إغراء، ولكن لو اتعرض عليا أقدم دور إغراء هوافق، ولكن بطريقتي؛ لأني بقدم إغراء شيك بدون عري ولا أسفاف، وبرفض ألبس قميص نوم في أعمالي، وبلبس بداله كاش مايوه احترامًا لعائلتي.
إغراء وقبلات ومايوه
وواصلت شمس: الإغراء شيء طبيعي في سياق الدراما، وأهم شيء نوصل الصورة بدون إسفاف وخدش حياء المشاهد، ودي بتكون حسب عقلية المخرج والممثلة، وزمان الأفلام كلها كانت قبلات ومايوهات، بس الناس اتغيروا بسبب السوشيال ميديا.. زمان فئة معينة فقط كانوا بيدفعوا فلوس عشان يتفرجوا علينا.
وسبق وكشفت شمس؛ تفاصيل طلاقها وسر بقائها مع طليقها في منزل واحد دون زواج، وقالت في تصريح سابق لـ القاهرة 24: أنا اتطلقت وفضلت عايشة مع طليقي في نفس البيت، ومش حرام لأننا مش في نفس السرير، وكل واحد كان في أوضته، هو أنا هرمي جوزي في الشارع يعني؟.. الحرام إني أعاشر راجل وبعدين أرميه في الشارع.
وأضافت شمس: الحرام إني أرميه وهو معندهوش بيت لسة، والحرام إني أعاشره بدون زواج، والمفروض الناس يقولوا عليا ست أصيلة مش يحرّموني، واللي بيقول حرام هو اللي بيعمل الحرام وبيعكسه عليا.
