تعرضت للكثير من الموقف المحرجة خلال غنائي بالأفراح والجمهور حدفني بحزام وتليفونات.. أبرز تصريحات هيثم شاكر
حل المطرب هيثم شاكر ضيفا على الفنان أمير كرارة ببرنامج سهرانين، وشاركته الحلقة الفنانة نسرين أمين، وتحدث هيثم عن مواضيع مختلفة بحياته الشخصية والعملية، ومن المقرر عرض الجزء الثاني من الحلقة اليوم الجمعة 9 ديسمبر.
ونعرض لكم أبرز تصريحات هيثم شاكر خلال الحلقة على النحو التالي:
- بشعر بالقلق البسيط قبل صعودي المسرح، ولكن تزول هذه الرهبة بمجرد ما أطلع، وحفل السعودية كان له ظرف خاص.
- أنا بحب الطبخ ودايما بفضل أقضي وقت فراغي في المطبخ وبعمل جميع الأكلات وعلمت زوجتي الطبخ بعد الزواج عشان ماكنتش بتعرف.
- بكيت في حفلتي في السعودية لأني كنت بحلم باليوم اللي هبقى فيه مطرب وأغني هناك ومع استقبال الناس ليا شريط حياتي كان بيعدي قدام عينيا وانهرت من الفرحة.
- تعرضت لمواقف كتير محرجة أثناء غنائي في الأفراح وأوقات الجمهور بيحدفنا بحاجات زى التليفونات ومرة حد حدفنى بحزام.
تصريحات هيثم شاكر
- مرة كنت فى فرح والعروسة بتحبني كـ فنان والعريس لاحظ ده فقالي بلاش تحلو بدل ما كسر وشك.
وعلى جانب آخر، تعد أغنية أعداءك كترت آخر أعمال هيثم شاكر، وهي من كلمات معتز الإمام، وألحان محمود أنور، وتوزيع وسام عبد المنعم.
وجائت كلمات أغنية أعداءك كترت على هذا النحو: أعداءك كتيرت يا سبب في إن الناس سهرت، يتكلموا عنك أيوة اكمنك حلو ثالث ومتلت، قاعدين بيتابعوا واحد ميجوش ولا ربعه بيدوروا على إللي مخليني ماسك فيك كده ومتبت، فيك شئ كدة ملفت، بتخلي الناس كلها تسكت، وأما تغيب يحكوا عن التفاصيل بالمللي كمان حافظينها.
