عمرو عبد الجليل في ندوة الضاحك الباكي: نجيب الريحاني هو اللي بيقلدني
أعرب الفنان عمرو عبد الجليل عن سعادته بمسلسله الجديد الضاحك الباكي، والذي يتناول السيرة الذاتية للفنان الكبير الراحل نجيب الريحاني، مؤكدًا أنه تقمص شخصيته وممتن للمخرج محمد فاضل.
عمرو عبد الجليل نجيب الريحاني بيقلدني
وقال عمرو عبد الجليل خلال ندوة مسلسل الضاحك الباكي: أنا مبعرفش اتكلم ولما بعمل دور بحس إني عملت اللي عليا وبحب اسمع الناس وافهم، وأنا مش شبه نجيب الريحاني لكن هو بيقلدني والماكيير شاطر.
وتابع عمرو عبد الجليل: الدور كله كان صعب وأنا عارف إن الناس هتبص بصة غريبة، وإحنا مش بنقلد ولو اهتميت بالشكل دا غلط، والأهم نهتم بالروح والتفاصيل وأحاول أوصلها مش أقلده، ولو الرهان أقلده مش هشتغل والمونولوجست هيبقى أحسن مني لو كدا.
عمرو عبد الجليل يروي كواليس الضاحك الباكي
وأضاف عمرو عبد الجليل: الفضل يرجع لـ المخرج محمد فاضل؛ لأنه وصلني لمعاني وأحاسيس عميقة وبيعمل بروفات ودي حاجة اختفت في الوسط الفني وبقت موضة، وبقى صعب يكون معايا الورق كامل واستفدت منه كتير وكان الوقود اللي اشتغلت بيه العمل كله وهشكره مدى الحياة.
قصة مسلسل الضاحك الباكي
يشار إلى أن أن مسلسل الضاحك الباكي تدور أحداثه حول قصة حياة الفنان الكبير نجيب الريحاني منذ الطفولة، ويبرز الجوانب الإنسانية والاجتماعية والفنية في حياته، والحياة السياسية التي عاشها، خاصة في ثورة 1919، والحربين العالميتين الأولى والثانية، ودستور 1923، والاحتلال الإنجليزي لمصر وغيرها من الأحداث الهامة في حياته.
