أحمد عدوية اعتبرني زي ابنه وعملت لحن وأنا عمري 13 سنة هغنيه قريب.. أبرز تصريحات رامي عياش
كشف المطرب اللبناني رامي عياش، كواليس تعاونه في أغنية الناس الرايقة مع الفنان أحمد عدوية، وتفاصيل صناعته لأغانيه، وبداية مشواره مع الألحان وسبب عدم غنائه أول لحن له حتى الآن.
كواليس تعاون رامي عياش مع أحمد عدوية
وقال المطرب اللبناني رامي عياش في تصريحات تلفزيونية: كان بقالي 15 سنة أحسب أحمد عدوية مابيغنيش.. إحنا كلنا بنحب أحمد عدوية وتربينا على أغانيه إحنا كلنا من جمهوره.. ولما سمعني الملحن الكبير صديقي محمد يحيى أغاني كتيرة.. وما تفقناش على واحدة منهم وسمعني إفيه من موال عجبني جدا.. وقلتله عايز أغني الأغنية زي كده ومع أحمد عدوية.. وكان موجود معانا الأستاذ هاني محروس.. وقالي أنا أعرفه لكنه مابيغنيش إلا مع ابنه.. فقلتله يعتبرني زي ابنه.. وفعلا مفيش أسبوع وسجلنا الأغنية ومفيش أسبوعين بعدها صورناها ونزلت.. وطلعت للجمهور أغنية الناس الرايقة.
رامي عياش يكشف بداية مشوراه مع التلحين
وأضاف المطرب رامي عياش: وأول حاجة لحنتها لنفسي كان عمري 13 سنة مغنتهاش لغاية دلوقتي.. وبهديها لشاب جديد في لبنان هيخلصها الأسبوع ده ومغنتهاش بسبب إن خالي توفى وقتها.. وأنا مش هدفي إن الناس تعرف ألحاني.. ولكن هدفي نجاح الأغنية بغض النظر على الألحان والكلمات.. وفي أغاني كتيرة من كلماتي لكن ما بحبش أقول وبنسب ساعات اللحن لأصدقائي.. رغم إني بكون أنا اللي عامله وهما عدلوا عليه تعديل بسيط لأن هدفي الأساسي هو نجاح الأغنية ككل بغض النظر عن التفاصيل.. وفي أغاني كتيرة برضه حاطط عليها اسمي وإنها من ألحاني.
آخر أعمال رامي عياش
يذكر أن آخر الأعمال الغنائية التي قدمها الفنان رامي عياش هي أغنيته حلوين حلوين، والتي طرحها على موقع يوتيوب منذ حوالي 4 أشهر، وحققت ما يزيد عن 7.5 مليون مشاهدة وتقول كلماتها:
حلوين حلوين مع بعض حلوين
قمرين عاشقين لايقين رايقين
وبشوق وحنين طايرين دايبين
حلوين حلوين مع بعض حلوين
قمرين عاشقين لايقين رايقين
وبشوق وحنين طايرين دايبين
يا سلام يا سلام سلام زي مانا حلمت بالتمام
كنت غايب فين فين فين
يوم سوا يبقى احلى يوم
العاشقين كوم واحنا كوم
أنت جيتلي منين
يا سلام يا سلام سلام زي مانا حلمت بالتمام
كنت غايب فين فين فين
شيء خيالي حلمنا ياما بيه
أيوه كان موضوع كبير.
