سلوى عثمان عن محمد رمضان: مفيش حد بيتفق على بني آدم إذا كان الأنبياء متفقوش عليهم
كشفت الفنانة سلوى عثمان كواليس تعاونها مع الفنان محمد رمضان في مسلسل العمدة المقرر طرحه في المارثون الرمضاني 2023.
وقالت سلوى عثمان لـ القاهرة 24، إنها تظهر في المسلسل كضيف شرف، مشيرة إلى أنها تعاونت مع المخرج محمد سامي والفنان محمد رمضان من قبل وفور ترشيحها من قبل المخرج لبت الطلب على الفور، قائلة: دور لطيف وما ينفعش بعد ما اشتغلت مع محمد سامي ومحمد رمضان لما يقولي محتاجك ضيفة أقول له لأ.
وعن تعاونها مع محمد رمضان قالت: رمضان إنسان كويس وممثل شاطر وزميل وبيحب كل الناس اللي حواليه، لكن مش كل الناس بيتفقوا على بني آدم، إذا كان الأنبياء متفقوش عليهم، واحنا منقدرش نتحكم في وجهات نظر الناس، لكن في ناس كتير بتحبه.
وعن انتقادات قصة مسلسل محمد رمضان وتشابها مع الأعمال التي قدمها مصطفى شعبان، قالت: مش شرط الفكرة قديمة ولا جديدة، لكن الأهم طريقة تناول الفكرة، ومحمد سامي له وجهة نظر معينة.
ومن ناحية أخرى، تحدثت سلوى عثمان عن سبب تأخر البطولة المطلقة عليها، قائلة: البطولة المطلقة لذيذة وأكيد لو جت مش هقول لها لأ، لكن الفنان أهميته في الدور اللي بيقدمه.
سلوى عثمان تشارك في مسلسل رمضان كريم 2
وعلى جانب آخر، تشارك سلوى عثمان في مسلسل رمضان كريم 2، وقالت عن مشاركتها في العمل: سعيدة بالمشاركة في الجزء الثاني من المسلسل، وإن شاء الله هيكون بنفس الروح الاجتماعية الجميلة اللي شوفناها في الجزء الأول، وفيه ممثلين جدد هيشاركوا زي ويزو.
