يسرا: عمري الفني 45 سنة وحاسه إني معملتش حاجة.. ومشتاقة لـ عادل إمام
تحدثت الفنانة يسرا عن مدى سعادتها بتكريمها في مهرجان القاهرة السينمائي، وبجانب ذلك تأثرها بوفاة هشام سليم وفقدانها للكاتب الراحل وحيد حامد وغيرهم من النجوم، وذلك خلال حوارها في أحد اللقاءات التليفزيونية.
أبرز تصريحات يسرا في إحدى اللقاءات التليفزيونية:
ـ اتعرض عليا زمان فيلم في هوليود ورفضته بسبب السيناريو معجبنيش واتعرض عليا أجر خيالي.
ـ الملابس بتساعدك على تقمص الشخصية، واختارت الكوميدي السنة اللي فاتت عشان كنت هموت وأقدم كوميدي مش كل سنة نجد وعياط.
ـ دوري في فيلم شقو شرير وشكلي متغير في العمل.
ـ مبعرفش اشتغل حاجه غير وأنا حباها وأفلامي التجارية كانت مع عادل إمام.
ـ مشتاقة لـ يوسف شاهين ووحيد حامد وعادل إمام في عظماء راحوا.
ـ محدش كان متوقع أن هشام سليم يروح، ومأخدش حقه كـ فنان ومستفدناش منه كفاية.
ـ لما استلمت جايزة هشام سليم قولت يمكن لو كان حس بالحب ده، كانت فرقت معاه.
ـ السوشيال ميديا بتخليكي انسان ألي، وفرقتنا مجمعتناش.
ـ مبقاش في لغة حوار الناس بتتطلق على السوشيال ميديا.
ـ وفاة والدتي كسرتني ومازلت كسراني، وهي اللي كانت بتسندني، ولحد دلوقتي مش متخيلة أن هشام مات.
ـ عمري الفني مش قليل 45 سنة.. حاسه أني معملتش حاجه، وعندي رسالة انسانية للناس وللمجتمع
ـ بعد ما أموت هو ده تاريخي اللي هيفضل ومش عايزه أتغير وعايزة أفضل زي ما أنا عندي نية صافية ورضا.
