شذى: زعلانة من تامر حسني وسيرته بتقلبلي مزاجي.. من وقت وفاة أبويا وأمي ما ظهرش
كشفت المطربة شذى، تفاصيل علاقتها بزملائها بالوسط الفني، مشيرة إلى أنها غاضبة من الفنان تامر حسني بسبب عدم سؤاله عن أحوالها الشخصية بعد وفاة والديها، بجانب الحديث عن سبب قلة أعمالها.
وقالت شذى، خلال حوارها في برنامج أنا سعيد، الذي يقدمه الإعلامي سعيد جميل، عبر قناة القاهر والناس: سيرة تامر حسني بتقلبلي مزاجي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش، ولو ظهر بيظهر كضيف شرف، ومش بتكلم على الشغل أنا بتكلم على الإنسانية، أنا مليش حد هنا ومعنديش إخوات وكل عيلتي برا مصر.
وتابعت: على المستوى الشخصي والمهني تامر ضيف شرف في حياتي، خاصة إني بتعرض لأزمات كتير في السوق وتغير الذوق، ولكن تامر في إيده إنه يصلحلي حاجات كتير وأنا أستاهل ده لأن الصحاب لازم يكونوا ضهر لبعض، خصوصًا لو أنت كنت كويس معاه قبل كده، عشان كده بزعل لما بتيجي سيرة تامر، لأني مكنتش مستنية منه حاجة كنت مستنية يسأل عليا.
كما أعربت شذى عن حزنها بسبب عدم تهنئة أصدقائها على أغنيتها الجديدة، موضحة: رامي صبري مباركليش على أغنيتي الجديدة مع إنه كان حاضر معايا المشاكل اللي حصلت، ولكن ممكن يكون اتشغل، وتامر عاشور مباركليش، مع إنهم أصحابي على طول على تواصل وبباركلهم، وأنا مبزعلش من رامي لأنه طيب وكان في ضهري وبيديني نصايح.
شذى
وعلقت شذى، على تصريحها السابق بشأن مطرب المهرجانات الشعبية حسن شاكوش، وقت أزمته مع الفنان محمد حماقي، بسبب أغنية حاجة مستخبية، قائلة: حسن شاكوش مستفز، أنت طالع على ناس مينفش تقول أي كلام ومينفعش تقول كلام غلط، ومينفعش تقول إن حماقي سارق الأغنية، لأ حماقي واخد الحقوق بتاعة الأغنية وده بيحصل ومتعارف عليه، فاتضايقت جدًا لأن حماقي فنان تقيل ومهم وبنتشرف بيه كمصريين، فعيب اللي أتقال.
