محمود سعد: مكنتش بحب والدي.. وعايزين قانون يُحتم عند الانفصال الزوجة تاخد نص فلوس زوجها
تحدث الإعلامي محمود سعد عن علاقته بوالده التي لم تكن جيدة، وعلق على هجوم رواد مواقع التواصل الاجتماعي بعد سرد تفاصيل معاناته مع والده في الصغر.
وقال محمود سعد خلال حواره مع الكاتب تامر عبده أمين على تويتر: اتكلمت عن الحكاية دي مرات ومرات من أيام برنامج البيت بيتك.. وكان هدفي بسيط إن الناس لما تسمع الحكاية دي تاخد بالها ومتتكرش، وبالفعل اتلقيت رسائل من ناس قالولي إنهم مروا بنفس اللي مريت بيه، وأمهات كتير ارتاحوا للتعبير عن مشاكلهم مع أزواجهم، لأن المشكلة دي موجودة في المجتمع بشكل شرس ومش عايزين ده يحصل تاني.
وأضاف: الراجل لما يعوز يسيب مراته هو حر ومحدش يقدر يلزمه، ولكن الولاد والقسوة وقلة القيمة والحاجة، بتبقى حاجة صعبة جدًا جدًا، بره فيه قانون لو عايز تطلق امشي بس هات نص فلوسك، احنا عايزين قوانين بالشكل ده، عايزين ننال حظنا من التغيير ده.
وأردف محمود سعد: مش بقول على أبويا بس.. بقول على حال ناس كتير، الصحافة الصفراء وظفتها بطريقة مش مظبوطة، أنا مكنتش بحبه ولكني كنت بحترمه، مسألة الحب حاجة تانية، أنا مش عايز حاجة منه هو الله يرحمه، وقولتله الكلام ده قبل ما يتوفى، فيه أبهات ممكن يكون معهمش فلوس، ولكن فيه طبطبة واهتمام.
